Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightബംഗാളിൽ ദുർഗ പൂജ...

ബംഗാളിൽ ദുർഗ പൂജ രാഷ്​ട്രീയ ആയുധമാക്കി ബി.ജെ.പിയും തൃണമൂൽ കോൺഗ്രസും

text_fields
bookmark_border
ബംഗാളിൽ ദുർഗ പൂജ രാഷ്​ട്രീയ ആയുധമാക്കി ബി.ജെ.പിയും തൃണമൂൽ കോൺഗ്രസും
cancel

കൊൽക്കത്ത: നിയമസഭാ തെരഞ്ഞെടുപ്പിലേക്ക്​ പശ്ചിമബംഗാളിൽ ദുർഗ പൂജയെ രാഷ്​ട്രീയ കളമാക്കാനൊരുങ്ങി ഭരണകക്ഷിയായ തൃണമൂൽ കോൺഗ്രസും പ്രധാന എതിരാളിയായ ബി.ജെ.പിയും. ഇത്തവണ പ്രധാനമന്ത്രി നരേന്ദ്രമോദിയാണ്​ ദുർഗ പൂജാ ആഘോഷങ്ങൾ ഉദ്​ഘാടനം ചെയ്യുന്നത്​.

ബി.ജെ.പി മഹിളാ മോര്‍ച്ചയുടെ സാസ്​കാരിക വിഭാഗമായ ഇസെഡ്‌സിയുടെ ആഭിമുഖ്യത്തിലുള്ള ദുർഗ പൂജയിൽ പ്രധാനമന്ത്രി പങ്കെടുക്കും. കേന്ദ്രസര്‍ക്കാരിൻെറ സാംസ്‌കാരിക മന്ത്രാലയത്തിൻെറ സഹകരണത്തോടെ പ്രവർത്തിക്കുന്ന ഇസെഡ്‌സിയുടെ പൂജ ആഘോഷങ്ങൾ ഒക്​ടോബർ 22ന്​ മോദി നിർവഹിക്കും.

ദുര്‍ഗ പൂജയുടെ ആദ്യ ദിനമായ ശഷ്ഠിക്ക്​ നരേന്ദ്ര മോദി ഒന്നിലധികം വെര്‍ച്വല്‍ പ്ലാറ്റ്‌ഫോമുകളിലൂടെ ബംഗാളി​െല ജനങ്ങളുമായി സംവദിക്കും. കൊല്‍ക്കത്തയിലെ സാള്‍ട്ട്​ലേക്കിലെ പ്രധാന പൂജാ പന്തൽ ഉദ്​ഘാടനം ചെയ്​തത്​ കേന്ദ്ര ആഭ്യന്തരമന്ത്രി അമിത് ഷാ ആയിരുന്നു.

പശ്ചിമ ബംഗാളിലെ പ്രധാന ആഘോഷമായ ദുർഗ പൂജ രാഷ്ട്രീയ മുതലെടുപ്പിനുള്ള അവസരമായാണ്​ ഇരു വിഭാഗവും കാണുന്നത്​. കൊല്‍ക്കത്തയിലെ ദുര്‍ഗാപൂജയുടെ രണ്ട് പ്രധാന സംഘാടക സമിതികളില്‍ അംഗങ്ങളായ ബി.ജെ.പി നേതാക്കളെ പുറത്താക്കകിയത്​ തൃണമൂലിൻെറ സമ്മര്‍ദ്ദ തന്ത്രം മൂലമാണ്​ ആരോപണം ഉയർന്നിരുന്നു. തൃണമൂൽ സ്വാധീനമുള്ള പൂജാ പന്തലുകൾക്ക്​ ഒരു തരത്തിലുള്ള സഹായവും സേവനവും നൽകില്ലെന്ന്​ ബി.ജെ.പി ​ഭീഷണിപ്പെടുത്തുകയും ചെയ്​തിരുന്നു.

അതേസമയം പൂജാ പന്തലുകൾക്ക്​ ധനസഹായവും സൗകര്യങ്ങളും ഒരുക്കി നൽകി തൃണമൂൽ മുന്നേറ്റം നടത്തുകയാണ്​. ബംഗാളിലെ 10 ജില്ലകളിലായി 69 ദുര്‍ഗ പൂജ പന്തലുകള്‍ മമത ബാനര്‍ജി ഉദ്ഘാടനം ചെയ്തു. പൂജ പന്തലൊരുക്കുന്നതിന് സര്‍ക്കാര്‍ 50000 രൂപ വീതം ധനസഹായവും നേരത്തെ പ്രഖ്യാപിച്ചിരുന്നു. സംസ്ഥാനത്ത് ഒട്ടാകെ 37,000ത്തോളം ദുർഗ പൂജ പന്തലുകളാണ്​ ഒരുങ്ങുന്നത്​.

Show Full Article
TAGS:Bengal Poll Durge pooja Mamata Banerjee PM Modi 
Next Story