You are here

ഹൃദയശസ്​ത്രക്രിയക്ക്​ പണം പിൻവലിക്കാനായില്ല; പി.എം.സി ബാങ്ക്​ അക്കൗണ്ട്​ ഉടമ മരിച്ചു

09:48 AM
19/10/2019
pmc-bank-account-holder.

മുംബൈ: ഹൃദയശസ്​ത്രക്രിയക്ക്​ പണം പിൻവലിക്കാൻ സാധിക്കാത്തതിനാൽ ചികിൽസ വൈകി പി.എം.സി ബാങ്ക്​ അക്കൗണ്ട്​ ഉടമ മരിച്ചു. 83കാരനായ മുരളീധർ ദാരയാണ്​ വെള്ളിയാഴ്​ച മരിച്ചത്​. 80 ലക്ഷം രൂപയാണ്​ മുരളീധർ പി.എം.സി ബാങ്കിൽ നിക്ഷേപിച്ചിരുന്നത്​. ആർ.ബി.ഐ നിയന്ത്രണങ്ങൾ വന്നതോടെ പണം പിൻവലിക്കുന്നതിന്​ തടസം നേരിട്ടു. ഇതുമൂലം അദ്ദേഹത്തിൻെറ ഹൃദയ ശസ്​ത്രക്രിയ മുടങ്ങിയെന്നും ഇതാണ്​ മരണകാരണമെന്നും കുടുംബാംഗങ്ങൾ ആരോപിച്ചു.

അതേസമയം, മെഡിക്കൽ എമർജൻസിക്ക്​ പി.എം.സി ബാങ്കിൽ നിന്ന്​ കൂടുതൽ പണം അനുവദിക്കാമെന്ന്​ ആർ.ബി.ഐ നേരത്തെ തന്നെ വ്യക്​തമാക്കിയിരുന്നു. എന്നാൽ, ഇതിനുള്ള അപേക്ഷ നൽകിയെങ്കിലും ബാങ്ക്​ നിരസിക്കുകയായിരുന്നുവെന്ന്​ മുരളീധറിൻെറ കുടുംബം ആരോപിക്കുന്നു.

പി.എം.സി ബാങ്കി​െല നിക്ഷേപവുമായി ബന്ധപ്പെട്ട്​ നാലാമത്തെ മരണമാണ്​ ഇപ്പോൾ റിപ്പോർട്ട്​ ചെയ്യുന്നത്​. ഇതിന്​ മുമ്പ്​ രണ്ട്​ പേർ ഹൃദയാഘാതത്താൽ മരിക്കുകയും വനിതാ ഡോക്​ടർ ആത്​മഹത്യ ചെയ്യുകയും ചെയ്​തിരുന്നു. 

Loading...
COMMENTS