Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമോദി പാവപ്പെട്ടവരിൽ...

മോദി പാവപ്പെട്ടവരിൽ നിന്ന്​ പണം പിടിച്ചെടുത്ത്​ മല്യക്കും ലളിത്​ മോദിക്കും നൽകുന്നു– രാഹുൽ ഗാന്ധി

text_fields
bookmark_border
മോദി പാവപ്പെട്ടവരിൽ നിന്ന്​ പണം പിടിച്ചെടുത്ത്​ മല്യക്കും ലളിത്​ മോദിക്കും നൽകുന്നു– രാഹുൽ ഗാന്ധി
cancel

അൽമോറ: പ്രധാനമന്ത്രി നരേന്ദ്ര മോദി​ക്കെതിരെ രൂക്ഷ വിമർശനങ്ങളുമായി കോൺഗ്രസ്​ ഉപാധ്യക്ഷൻ രാഹുൽ ഗാന്ധി. ​നരേന്ദ്ര മോദി പാവപ്പെട്ടവരിൽ നിന്ന്​ പണം പിടിച്ചെടുത്ത്​ വിജയ്​ മല്യക്കും ലളിത്​ മോഡിക്കും നൽകുകയാണെന്ന്​ രാഹുൽ ഗാന്ധി കുറ്റപ്പെടുത്തി. ഉത്തരാഖണ്ഡി​ലെ അൽമോറയിൽ സംസാരിക്കുകയായിരുന്നു അദ്ദേഹം.

രാജ്യത്തെ പാവപ്പെട്ടവരുടെ കൈയിലും മധ്യവർഗക്കാരുടെ ​കൈയിലും കള്ളപണമില്ല. കള്ളപ്പണമുള്ളത്​ ഇന്ന്​ ബാങ്ക്​ ക്യൂവിൽ കാണാത്ത അമ്പത്​ കുടുംബങ്ങളിലാണെന്ന്​ രാഹുൽ ഗാന്ധി പറഞ്ഞു. നോട്ട്​ പിൻവലിക്കലിന്​ ​ശേഷം കർണാടകയിലെ ബി.ജെ.പി നേതാവ്​ ജനാർദ്ധന റെഡ്​ഢിക്ക്​ 500 കോടി ഉപയോഗിച്ച്​ മകളുടെ കല്യാണം എങ്ങനെ നടത്താൻ സാധിച്ചുവെന്നും രാഹുൽ ചോദിച്ചു.

പേടിഎം കൊണ്ട്​ സാധരണക്കാരുടെ വിശപ്പ്​ മാറില്ലെന്നും കർഷകരുടെ പ്രശ്​നങ്ങൾ പ്രധാനമന്ത്രി ശ്രദ്ധിക്കുന്നില്ലെന്ന​ും​ രാഹുൽ കുറ്റപ്പെടുത്തി. രാജ്യത്ത്​ 6 ശതമാനം കള്ളപണം മാത്രമേ ഇന്ത്യയിലുള്ളു. ബാക്കിയെല്ലാം സ്വിസ്​ ബാങ്കിലും സ്വർണ്ണത്തി​​െൻറ രൂപത്തിലുമാണ്​.​  പ്രധാനമന്ത്രിയുടെ ​കള്ളപണത്തിനെതിരായ നടപടികൾക്ക്​ കോൺഗ്രസ്​ പിന്തുണ നൽകും. എന്നാൽ ഇപ്പോഴുള്ള നടപടികൾ രാജ്യത്തെ പാവങ്ങൾക്ക്​ ബുദ്ധിമുട്ടുണ്ടാക്കുക മാത്രമാണ്​ ചെയ്​​തതെന്നും ​അദ്ദേഹം പറഞ്ഞു.

Show Full Article
TAGS:rahul gandhi 
News Summary - PM Snatched Money From Poor, Gave it to Mallya, Says Rahul
Next Story