Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightരാമക്ഷേത്ര ട്രസ്റ്റ്​...

രാമക്ഷേത്ര ട്രസ്റ്റ്​ അധ്യക്ഷനെ​ ഹസ്​തദാനം ചെയ്​ത മോദി ക്വാറൻറീനിൽ പോകുന്നില്ലേ ?

text_fields
bookmark_border
രാമക്ഷേത്ര ട്രസ്റ്റ്​ അധ്യക്ഷനെ​ ഹസ്​തദാനം ചെയ്​ത മോദി ക്വാറൻറീനിൽ പോകുന്നില്ലേ ?
cancel

മുംബൈ: കോവിഡ്​ സ്ഥിരീകരിച്ച രാമക്ഷേത്ര ട്രസ്റ്റ് അധ്യക്ഷന്‍ മഹാന്ത് നൃത്യ ഗോപാല്‍ ദാസുമായി നേരിട്ട്​ സമ്പർക്കം പുലർത്തിയ പ്രധാനമന്ത്രി നരേന്ദ്ര മോദി എന്തുകൊണ്ട്​ സ്വയം നിരീക്ഷണത്തിന്​ പോകുന്നില്ലെന്ന്​ ശിവ സേന നേതാവും എം.പിയുമായ സഞ്ജയ്​ റാവത്ത്​. ആഗസ്​ത്​ 5ന്​ അയോധ്യയിൽ നടന്ന രാമക്ഷേത്ര ശിലാസ്ഥാപന ചടങ്ങിൽ പ​െങ്കടുത്ത ഗോപാല്‍ ദാസിന്​ ദിവസങ്ങൾക്കകം കോവിഡ്​ ബാധയേറ്റതായി സ്ഥിരികരിച്ചിരുന്നു.

ട്രസ്റ്റ്​ അധ്യക്ഷനുമായി സമ്പർക്കം പുലർത്തിയതിനാൽ നിരീക്ഷണ ഘട്ടത്തിൽ കഴിയേണ്ട പ്രധാനമന്ത്രി സ്വാതന്ത്ര്യ ദിനത്തില്‍ ചെങ്കോട്ടയില്‍ വന്നു പ്രസംഗിച്ച സാഹചര്യത്തിലാണ് റാവത്തി​െൻറ വിമര്‍ശനം. ശിവ സേനയുടെ മുഖപത്രമായ സാമ്​നയിൽ ത​െൻറ കോളത്തിലാണ്​ സഞ്​ജയ്​ റാവത്ത്​ വിമർശനവുമായി എത്തിയത്​.

''ഭൂമി പൂജ ചടങ്ങില്‍ ട്രസ്റ്റ് അധ്യക്ഷന് ഹസ്തദാനം നല്‍കിയ മോദി ഇപ്പോള്‍ ക്വാറൻറീനിലാണോ...? എന്നും അങ്ങനെ പോകുവാന്‍ തയാറാകുമോയെന്നും സഞ്​ജയ്​ റാവത്ത്​ ചോദിച്ചു. ഭൂമി പൂജ ചടങ്ങില്‍ 75 കാരനായ ട്രസ്റ്റ് അധ്യക്ഷന്‍ വേദിയില്‍ ഉണ്ടായിരുന്നു. അദ്ദേഹം മാസ്‌ക് ഉപയോഗിച്ചിട്ടില്ലെന്നും വ്യക്തമായി കണ്ടതാണ്​. പ്രധാനമന്ത്രിയും ആർ.എസ്.എസ് തലവൻ മോഹന്‍ ഭഗവതും ട്രസ്റ്റ് അധ്യക്ഷനുമായി അടുത്തിടപഴകിയിട്ടുണ്ട്​.. പ്രധാനമന്ത്രി മോദി ഭക്തിയോടെ അദ്ദേഹത്തി​െൻറ കൈ പിടിച്ചിരുന്നു. അതിനാല്‍, ഞങ്ങളുടെ പ്രധാനമന്ത്രിയും ക്വാറൻറീനില്‍ വരേണ്ടതല്ലേ..?, " സാമ്‌നയിലെ കോളത്തില്‍ റാവത്ത് ചോദിച്ചു.

Show Full Article
TAGS:Ram Mandir Nritya Gopal Das PM Narendra Modi 
Web Title - PM shared stage with Ram temple Mahant, will he quarantine himself
Next Story