Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമോദിയുടെ മൗനം...

മോദിയുടെ മൗനം അപകടകരം; ഉത്തർപ്രദേശിൽ നീതി പ്രതീക്ഷിക്കരുത്​ -ചന്ദ്രശേഖർ ആസാദ്​

text_fields
bookmark_border
മോദിയുടെ മൗനം അപകടകരം; ഉത്തർപ്രദേശിൽ നീതി പ്രതീക്ഷിക്കരുത്​ -ചന്ദ്രശേഖർ ആസാദ്​
cancel

ന്യൂഡൽഹി: ഹാഥറസിൽ ദലിത്​ പെൺകുട്ടി കൂട്ടബലാത്സംഗത്തിനിരയായ സംഭവത്തിൽ പ്രധാനമ​ന്ത്രി നരേന്ദ്ര​മോദി തുടരുന്ന മൗനം അപകടകരമാണെന്ന്​​ ഭീം ആർമി നേതാവ്​ ചന്ദ്രശേഖർ ആസാദ്​. അഞ്ച്​ മണിക്ക്​ ഇന്ത്യ ഗേറ്റിൽ നടക്കുന്ന പ്രതിഷേധ പരിപാടിയിൽ താൻ പ​ങ്കെടുക്കുമെന്നും ​ഹാഥറസ്​ സംഭവത്തിൽ പ്രധാനമന്ത്രി നരേന്ദ്രമോദിയുടെ മറുപടി തേടുമെന്നും ആസാദ്​​ വ്യക്തമാക്കി.

പ്രധാനമന്ത്രി മറുപടി പറയണം. മറുപടി നൽകാനും നീതി ഉറപ്പാക്കാനും അദ്ദേഹത്തിന്​ കഴിയണം. പ്രധാനമന്ത്രി പെൺകുട്ടിയുടെ നിലവി​ളിയോ അവളുടെ കുടുംബത്തി​െൻറ രോദനമോ കേട്ടില്ല. പ്രധാനമന്ത്രി താങ്കൾ എത്രകാലം ഈ മൗനം തുടരും. നിങ്ങൾ ഒന്നിനും ഉത്തരങ്ങൾ തന്നില്ല. ഉത്തരങ്ങൾ ആവശ്യപ്പെട്ട്​ ഇന്ന്​ അഞ്ച്​ മണിക്ക്​ ഞങ്ങൾ ഇന്ത്യ ഗേറ്റിൽ ഒത്തുകൂടുന്നു. നിങ്ങളുടെ മൗനം ഞങ്ങളുടെ പെൺമക്കൾക്ക്​ അപകടമാണ്​''- ആസാദ്​ പറഞ്ഞു.

യോഗി ആദിത്യനാഥ്​ സർക്കാറിനെതിരെ എങ്ങനെയാണ്​ പ്രധാനമ​ന്ത്രിക്ക്​ അഭിപ്രായം പറയാൻ കഴിയുകയെന്നും അതിനാൽ ഉത്തർപ്രദേശിൽ നിന്ന്​ നീതി പ്രതീക്ഷിക്കുന്നില്ലെന്നും ചന്ദ്രശേഖർ ആസാദ് വ്യക്തമാക്കി​.

യുവതി ചികിത്സയില്‍ കഴിയുന്ന സമയത്ത് ഡല്‍ഹിയിലെ സഫ്ദര്‍ജങ് ആശുപത്രിക്ക് മുമ്പില്‍ നടത്തിയ പ്രതിഷേധത്തിനിടെ വിഷയത്തില്‍ പ്രധാനമന്ത്രിയുടെ നിശബ്ദതയെ ചന്ദ്രശേഖർ വിമർശിച്ചിരുന്നു.

''ഉത്തർപ്രദേശിലെ ജനങ്ങളാൽ തെരഞ്ഞെടുത്ത്​ പാർലമെൻറിലേക്ക്​ എത്തിയ വ്യക്തിയാണ്​ മോദി. അതേ സ്ഥലത്താണ്​​ ഹാഥറസിലെ മകൾ അതിക്രൂരമായി കൊല്ലപ്പെട്ടതും​. അവൾ ബാലത്സംഗത്തിനിരയാവുകയും കൊലചെയ്യപ്പെടുകയുമായിരുന്നു. അവളുടെ അസ്ഥികൾ നുറുങ്ങിയിരുന്നു. അവളു​െട മൃതദേഹം ചവറുപോലെ ദഹിപ്പിച്ചുകളഞ്ഞു. ഉത്തർപ്രദേശിൽ ഇത്രയും മനുഷ്യാവകാശ ലംഘനമുണ്ടായിട്ടും പ്രധാനമന്ത്രി ഒരു വാക്ക്​ മിണ്ടിയോ?'' -എന്നായിരുന്നു ആസാദി​െൻറ പ്രതികരണം.


പെൺകുട്ടിയുടെ മൃതദേഹം കുടുംബാംഗങ്ങളുടെ അനുമതിയില്ലാതെ ബലംപ്രയോഗത്തിലൂടെ സംസ്​കരിച്ച പൊലീസ്​ നിലപാടിനെതിരെ ഇന്ത്യ ഗേറ്റിൽ പ്രതിഷേധിച്ച ചന്ദ്രശേഖർ ആസാദിനെ പൊലീസ്​ കസ്​റ്റഡിയിലെടുത്ത്​ വീട്ടുതടങ്കലിലാക്കിയിരുന്നു.

Show Full Article
TAGS:Hathras gang rape Hathras rape Hathras case Bhim Army Chandrashekhar Azad 
Next Story