നരേന്ദ്രമോദിയുടെ എം.പി ഓഫിസിന് 7.5 കോടി രൂപ: വിൽപന പരസ്യം ഒ.എൽ.എക്സിൽ

വാരണാസി: പ്രധാനമന്ത്രി നരേന്ദ്രമോദിയുടെ വാരണാസിയിലെ എം.പി ഓഫീസ് ഒ.എല്‍.എക്സില്‍ വില്‍പ്പനക്ക്. 6500 സ്‌ക്വയര്‍ ഫീറ്റ് കെട്ടിടം എഴ് കോടി അമ്പത് ലക്ഷത്തിനാണ് വില്‍പ്പനക്കായി പരസ്യപ്പെടുത്തിയത്. കെട്ടിടത്തിന്‍റെ ചിത്രവും പരസ്യത്തോടൊപ്പം ചേർത്തിട്ടുണ്ട്.

നാല് മുറിയും നാല് ബാത്ത്‌റൂമും ഉണ്ടെന്നും 6,500 കാർപെറ്റ് ഏരിയ ഉണ്ടെന്നും പരസ്യത്തില്‍ പറയുന്നു. വാരാണസിയിലെ ലക്ഷ്മികാന്തപുരയിലാണ് പ്രധാനമന്ത്രിയുടെ എം.പി ഓഫിസ് സ്ഥിതി ചെയ്യുന്നത്. ലക്ഷ്മികാന്ത് ഓജ എന്ന ഐ.ഡിയില്‍ നിന്നാണ് പരസ്യം പോസ്റ്റ് ചെയ്തിരിക്കുന്നത്.

ഓഫീസിന്‍റെ ഫോട്ടോ പകര്‍ത്തിയ ആളെ ഉള്‍പ്പെടെ കേസുമായി ബന്ധപ്പെട്ട് നാല് പേരെ പൊലീസ് അറസ്റ്റ് ചെയ്തിട്ടുണ്ട്. പരാതി ലഭിച്ചയുടൻ പരസ്യം നീക്കം ചെയ്തെന്നും അന്വേഷണം പുരോഗമിക്കുകയാണെന്നും വാരണാസി എസ്.എസ്.പി അമിത് കുമാര്‍ പഥക് പറഞ്ഞു.