നിർമാണം പുരോഗമിക്കുന്ന പുതിയ പാർലമെൻറ്​ മന്ദിരം രാത്രി സന്ദർശിച്ച്​ മോദി

ന്യൂഡൽഹി: ഡൽഹിയിൽ നിർമാണം പുരോഗമിക്കുന്ന പുതിയ പാർലമെൻറ്​ മന്ദിരം സന്ദർശിച്ച്​ പ്രധാനമന്ത്രി നരേന്ദ്ര മോദി. ഞായറാഴ്​ച്ച​ വൈകുന്നേരമാണ്​ വെള്ള കുർത്തയും സുരക്ഷാ ഹെൽമെറ്റും ധരിച്ച്​ നിർമാണ സ്ഥലത്ത്​ മോദിയെത്തിയത്​. 971 കോടി രൂപ ചെലവിൽ നിർമ്മിക്കുന്ന കെട്ടിടത്തിന്റെ നിർമ്മാണ സ്ഥിതി പ്രധാനമന്ത്രി മോദി നേരിട്ട് പരിശോധിക്കുന്നതി​െൻറ ചിത്രങ്ങൾ പുറത്തുവന്നിട്ടുണ്ട്​. രാത്രി 8.45 ഓടെ സ്ഥലത്തെത്തിയ അദ്ദേഹം ഒരു മണിക്കൂറോളം സൈറ്റിൽ ചെലവഴിക്കുകയും ചെയ്തതായി വാർത്താ ഏജൻസി എ.എൻ.​െഎ റിപ്പോർട്ട് ചെയ്തു.

പാർലമെൻറ്​ കെട്ടിടം ഇതാദ്യമായാണ് പ്രധാനമന്ത്രി സന്ദർശിക്കുന്നത്. കോവിഡ്​ മഹാമാരിയുടെ പ്രതിസന്ധികൾക്കിടയിൽ നിർമ്മാണം തുടങ്ങിയതി​െൻറ പേരിൽ പ്രതിപക്ഷ പാർട്ടികളിൽ നിന്ന് കേന്ദ്ര സർക്കാർ വലിയ വിമർശനം ഏറ്റുവാങ്ങിയിരുന്നു. കോവിഡ് കൈകാര്യം ചെയ്യുന്നതിനുള്ള പണം ലാഭിക്കാൻ പദ്ധതി നിർത്തണമെന്നും പ്രതിപക്ഷ പാർട്ടികൾ പറയുന്നുണ്ട്​.

PM Narendra Modi went to the construction site of the new parliament building in New Delhi at around 8.45 pm today. He spent almost an hour at the site & did a first-hand inspection of the construction status of the new parliament building. pic.twitter.com/kYIwbgXwxq

— ANI (@ANI) September 26, 2021