പ്രധാനമന്ത്രി അഹ്മദാബാദിൽ; വിമാനം തകർന്ന സ്ഥലം സന്ദർശിച്ചു

അഹ്മദാബാദ്: എ​യ​ർ ഇ​ന്ത്യ വി​മാ​നാ​പ​ക​ട​മുണ്ടായ ഗുജറാത്തിലെ അ​ഹ്മ​ദാ​ബാ​ദി​ൽ പ്രധാനമന്ത്രി നരേന്ദ്ര മോദി എത്തി. വിമാനം തകർന്ന സ്ഥലവും ഹോസ്റ്റൽ കെട്ടിടവും അദ്ദേഹം സന്ദർശിച്ചു. തുടർന്ന് പരിക്കേറ്റവർ ചികിത്സയിലുള്ള ആശുപത്രിയിലും പ്രധാനമന്ത്രി എത്തി.

ഇന്ന് രാവിലെ 8.30ഓടെയാണ് പ്രധാനമന്ത്രി വിമാനത്താവളത്തിലിറങ്ങിയത്. രണ്ടു മണിക്കൂറോളം പ്രധാനമന്ത്രി അഹ്മദാബാദിലുണ്ടാകും.

#WATCH | PM Modi arrives in Ahmedabad, in the wake of the deadly AI-171 flight crash that claimed the lives of 241 people, including 12 crew members, onboard pic.twitter.com/L8BuOQMljk

— ANI (@ANI) June 13, 2025

കേന്ദ്ര ആഭ്യന്തര മന്ത്രി അമിത് ഷാ ഇന്നലെ അപകട സ്ഥലം സന്ദർശിച്ചിരുന്നു. പരിക്കേറ്റവർ ചികിത്സയിലുള്ള ആശുപത്രിയും സന്ദർശിച്ച ആഭ്യന്തര മന്ത്രി, കേന്ദ്രവും സംസ്ഥാനവും സംയുക്തമായി ഇടപെട്ട് രക്ഷാപ്രവർത്തനം നടത്തിയതായും രാജ്യം ഒന്നാകെ മരിച്ചവരുടെ പ്രിയപ്പെട്ടവർക്കൊപ്പമാണെന്നും പറഞ്ഞിരുന്നു.

എ​യ​ർ ഇ​ന്ത്യ വി​മാ​നാ​പ​ക​ട​ത്തി​ൽ മ​രി​ച്ച​വ​രു​ടെ കു​ടും​ബ​ങ്ങ​ൾ​ക്ക് ഒ​രു കോ​ടി രൂ​പ വീ​തം ന​ൽ​കു​മെ​ന്ന് ടാ​റ്റ ഗ്രൂ​പ് പ്രഖ്യാപിച്ചിട്ടുണ്ട്. പ​രി​ക്കേ​റ്റ​വ​രു​ടെ ചി​കി​ത്സാ ചെ​ല​വു​ക​ളും ടാ​റ്റ ഗ്രൂ​പ് വ​ഹി​ക്കും.

ദാ​രു​ണ​മാ​യ സം​ഭ​വ​ത്തി​ൽ വ​ള​രെ​യ​ധി​കം ദുഃ​ഖി​ത​രാ​ണെ​ന്നും പ്രി​യ​പ്പെ​ട്ട​വ​രെ ന​ഷ്ട​പ്പെ​ട്ട കു​ടും​ബ​ങ്ങ​ൾ​ക്കും പ​രി​ക്കേ​റ്റ​വ​ർ​ക്കു​മൊ​പ്പം ത​ങ്ങ​ളു​ടെ ചി​ന്ത​ക​ളും പ്രാ​ർ​ഥ​ന​ക​ളു​മു​ണ്ടെ​ന്നും ടാ​റ്റ ഗ്രൂ​പ്പി​ന്റെ​യും എ​യ​ർ ഇ​ന്ത്യ​യു​ടെ​യും ചെ​യ​ർ​മാ​ൻ എ​ൻ. ച​ന്ദ്ര​ശേ​ഖ​ര​ൻ ഇന്നലെ പ​റ​ഞ്ഞിരുന്നു. ബി.​ജെ മെ​ഡി​ക്ക​ൽ കോ​ള​ജ് ഹോ​സ്റ്റ​ലിന്‍റെ പു​ന​ർ​നി​ർ​മാ​ണ​ത്തി​ന് സ​ഹാ​യം ന​ൽ​കു​മെ​ന്നും അ​ദ്ദേ​ഹം അറിയിച്ചിട്ടുണ്ട്.