പാക്​ പ്രധാനമന്ത്രി ഇമ്രാൻഖാന്​ കോവിഡ്​; രോഗ​മുക്​തി ആശംസിച്ച്​ നരേന്ദ്ര മോദി

ന്യൂഡൽഹി: കോവിഡ്​ ബാധിതനായ പാകിസ്​ഥാൻ പ്രധാനമന്ത്രി ഇമ്രാൻഖാന്​ രോഗമുക്​തി ആശംസിച്ച്​ പ്രധാനമന്ത്രി നരേന്ദ്ര മോദി. ശനിയാഴ്ചയാണ്​ ഇമ്രാൻഖാന്​ കോവിഡ്​ സ്​ഥിരീകരിച്ചതായി അ​േദ്ദഹത്തിന്‍റെ ഓഫീസ്​ ട്വിറ്റർ വഴി അറിയിച്ചത്​. അൽപ്പസമയത്തിനുശേഷമാണ്​ മോദി ട്വിറ്ററിലൂടെ രോഗമുക്​തി ആശംസിച്ചത്​. വേഗത്തിൽ സുഖംപ്രാപിക്ക​ട്ടെ എന്നാണ്​ മോദി ഇമ്രാനെ ടാഗ്​ ചെയ്​ത്​ കുറിച്ചത്​​. 68 കാരനായ ഇമ്രാൻഖാൻ വ്യാഴാഴ്ച കോവിഡ്​ വൈറസിനെതിരായ വാക്സിനേഷൻ സ്വീകരിച്ചിരുന്നു.

വാക്​സിൻ സ്വീകരിച്ചെങ്കിലും രോഗപ്രതിരോധ ശേഷി ലഭിക്കാൻ ആഴ്ചകളെടുക്കുമെന്നാണ്​ ഡോക്​ടർമാർ പറയുന്നത്​. 2018ൽ പാകിസ്താൻ പ്രധാനമന്ത്രിയായ ഇമ്രാൻ ആദ്യകാലത്ത്​ ഇന്ത്യയുമായുള്ള നല്ല ബന്ധത്തിന്​ ആഗ്രഹിക്കുന്നതായി പറഞ്ഞിരുന്നു. എന്നാൽ പുൽവാമ ഭീകരാക്രമണത്തിനുശേഷം ഇന്ത്യയും പാകിസ്​ഥാനും തമ്മിലുള്ള ബന്ധത്തിൽ ഉലച്ചിൽ സംഭവിച്ചിരുന്നു.

Best wishes to Prime Minister @ImranKhanPTI for a speedy recovery from COVID-19.

— Narendra Modi (@narendramodi) March 20, 2021