ഗുജറാത്തിലെ വാലിനാഥ് ധാം ക്ഷേത്രത്തിലെ പ്രാണ പ്രതിഷ്ഠ ചടങ്ങിലും മോദി പ​ങ്കെടുക്കും

അഹമ്മദാബാദ്: ഗുജറാത്തിലെ മെഹ്സാനയിലെ ക്ഷേത്രത്തിലെ പ്രാണ പ്രതിഷ്ഠ ചടങ്ങിൽ പ്രധാനമന്ത്രി നരേന്ദ്ര മോദി പ​ങ്കെടുക്കും. ഫെബ്രുവരി 22നാണ് ക്ഷേത്രത്തിലെ പ്രതിഷ്ഠ ചടങ്ങുകൾ നടക്കുക. വിസ്നഗറിലാണ് ക്ഷേത്രം സ്ഥിതി ചെയ്യുന്നത്.

900 വർഷത്തെ ചരിത്രം ഈ പ്രദേശത്തിനുണ്ട്. 14 വർഷമെടുത്താണ് ക്ഷേത്രത്തിന്റെ നിർമാണം പൂർത്തിയാക്കിയത്. 15,000 അതിഥികൾ ക്ഷേത്രത്തിന്റെ പ്രാണ പ്രതിഷ്ഠ ചടങ്ങിൽ പ​ങ്കെടുക്കുമെന്ന് ഭാരവാഹികൾ അറിയിച്ചു.

സോമനാഥ് ക്ഷേത്രം കഴിഞ്ഞാൽ ഗുജറാത്തിലെ രണ്ടാമത്തെ വലിയ ശിവക്ഷേത്രമാണ് വിസ്നഗർ താലൂക്കി​ലെ മെഹ്സാന ജില്ലയിൽ സ്ഥിതി ചെയ്യുന്ന വാലിനാഥ് ധാം ക്ഷേത്രം. പ്രാൺ പ്രതിഷ്ഠയോട് അനുബന്ധിച്ച് ഒരാഴ്ച നീണ്ടുനിൽക്കുന്ന പരിപാടികളാണ് നടത്തുന്നത്. കഴിഞ്ഞ 10 വർഷമായി ​തുടർച്ചയായി ക്ഷേത്രത്തിന്റെ പണികൾ നടന്നു വരികയാണ്. നാഗര സ്റ്റൈലിലാണ് ക്ഷേത്രത്തിന്റെ നിർമാണം പൂർത്തീകരിച്ചിരിക്കുന്നത്.