കോവിഡ്​, വാക്​സിൻ വിഷയങ്ങളിൽ ബിൽഗേറ്റ്​സുമായി ചർച്ച നടത്തി മോദി

ന്യൂഡൽഹി: കോവിഡ്​-19നെ തുരത്താൻ ലോകം ഒരുമിക്കേണ്ടതി​​െൻറ ആവശ്യകതയെ കുറിച്ച്​ പ്രധാനമന്ത്രി നരേന്ദ്ര മോദി ശതകോടീശ്വരനും മൈ​ക്രോസോഫ്​റ്റ്​ സഹ സ്​ഥാപകനുമായ ബിൽഗേറ്റ്​സുമായി ചർച്ച നടത്തി. കോവിഡിനെതിരായ ആഗോള പോരാട്ടത്തിൽ ഇന്ത്യയു​െട പങ്കാളിത്തം വിഡിയോ കോൺഫ്രൻസ്​ വഴി നടന്ന ചർച്ചയിൽ മോദി ഉറപ്പുനൽകി. 

ലോകത്തി​​െൻറ പൊതുനേട്ടത്തിനായി ഇന്ത്യയുടെ കഴിവുകൾ എങ്ങനെ മികച്ച രീതിയിൽ ഉപയോഗിക്കാമെന്നതും ചർച്ചയായി. ‘‘വിശദമായ ചർച്ചയായിരുന്നു ബിൽഗേറ്റ്​സുമായി നടത്തിയത്​. കോവിഡിനെതിരെ ഇന്ത്യയുടെ പോരാട്ടങ്ങൾ, ഗേറ്റ്​സ്​ ഫൗണ്ടേഷ​​െൻറ കോവിഡ്​ പ്രതിരോധ പ്രവർത്തനങ്ങൾ,വൈറസിനെ നേരിടുന്നതിൽ സാ​ങ്കേതികവിദ്യയുടെ പങ്ക്​, വാക്​സിൻ നിർമാണം എന്നിവയെ കുറിച്ച്​ ചർച്ച ചെയ്​തു’’-ചർച്ചക്കു ശേഷം മോദി ട്വീറ്റ്​ ചെയ്​തു. 

ലോകത്തി​​െൻറ പൊതുനേട്ടത്തിന്​ ഇന്ത്യയുടെ കഴിവുകളും നേട്ടങ്ങളും എങ്ങനെ പ്രയോജനപ്പെടുത്താം എന്നതു സംബന്ധിച്ച്​ മോദി ബിൽഗേറ്റ്​സിൽ നിന്ന്​ നിർദേശങ്ങൾ ആരാഞ്ഞു.