മോദിയുടേത് ബി.ജെ.പി സ്ഥാപകദിനം ആഘോഷിപ്പിക്കാനുള്ള തന്ത്രം -കുമാരസ്വാമി
text_fieldsബംഗളൂരു: ഞായറാഴ്ച രാത്രി ഒമ്പത് മുതൽ 9.09 വരെ വൈദ്യുതി വിളക്കുകളണച്ച് ടോർച്ചോ, മൊബൈൽ പ്രകാശമോ ദീപമോ തെള ിയിക്കണമെന്ന പ്രധാനമന്ത്രിയുടെ ആഹ്വാനത്തിനെതിരെ കർണാടക മുൻ മുഖ്യമന്ത്രിയും ജെ.ഡി.എസ് നേതാവുമായ എച്ച്.ഡി കു മാരസ്വാമി. ഇന്ത്യക്കാരെക്കൊണ്ട് ബി.ജെ.പിയുടെ സ്ഥാപക ദിനം ആഘോഷിപ്പിക്കാനുള്ള തന്ത്രമാണ് പ്രധാനമന്ത്രി നര േന്ദ്രമോദിയുടെ ആഹ്വാനത്തിന് പിന്നിലെന്ന് അദ്ദേഹം ആരോപിച്ചു.
ഏപ്രിൽ ആറ് ബി.ജെ.പി സ്ഥാപക ദിനമായതിനാൽ , ഈ തീയതിയും സമയവും തിരഞ്ഞെടുത്തതിന് എന്ത് വിശദീകരണമാണ് നൽകാൻ സാധിക്കുകയെന്നും വിശ്വസനീയവും ശാസ്ത്രീയവും യുക്തിസഹവുമായ വിശദീകരണം നൽകാൻ പ്രധാനമന്ത്രിയെ വെല്ലുവിളിക്കുകയാണെന്നും കുമാരസ്വാമി ട്വീറ്റ് ചെയ്തു.
ഡോക്ടർമാർക്ക് പി.പി.ഇ കിറ്റ് നൽകാനും സാധാരണക്കാർക്ക് താങ്ങാനാവുന്ന വിലയിൽ ടെസ്റ്റ് കിറ്റുകൾ ലഭ്യമാക്കാനും സർക്കാർ ഇതുവരെ തയാറായിട്ടില്ല. കോവിഡ് 19 ഭീഷണിയെ നേരിടാൻ എന്ത് ശക്തമായ നടപടികളാണ് സ്വീകരിക്കുന്നതെന്ന് രാജ്യത്തോട് പറയാതെ, ഇതിനകം തളർന്നുപോയ ഒരു ജനതക്ക് പ്രധാനമന്ത്രി അർഥമില്ലാത്ത ജോലികൾ നൽകുകയാണെന്നും അദ്ദേഹം ആരോപിച്ചു.
സ്വന്തം പ്രതാപമുയർത്താൻ ഒരു ദേശീയ പ്രതിസന്ധിയെ ഉപയോഗപ്പെടുത്തുന്നത് ലജ്ജാകരമാണ്. രാജ്യം ഒരു ആഗോള വിപത്തിനെ അഭിമുഖീകരിക്കുമ്പോൾ അതിനിടെ സ്വന്തം പാർട്ടിയുടെ രഹസ്യ അജണ്ട തിരുകിക്കയറ്റുന്നത് അങ്ങേയറ്റം നാണം കെട്ട കാര്യമാണെന്നും കുമാരസ്വാമി വിമർശിച്ചു.
Has the PM slyly asked the nation to observe a candle light vigil on the eve of foundation day of BJP? April 6 being its foundation day, what else can explain the choice of date & time for this event? I challenge the PM to offer a credible scientific and rational explanation.
— H D Kumaraswamy (@hd_kumaraswamy) April 5, 2020
1/3
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.