കാമറ കാണാത്തതിന്​ ക്രുദ്ധനാവുന്ന മോദി കർഷകരെ കൊല്ലു​േമ്പാൾ നിശ്ശബ്ദനാവുന്നു -രാഹുൽ ഗാന്ധി

ന്യൂഡൽഹി: കർഷക കൊലപാതകവും ഇന്ധനവില വർധനവുമടക്കമുള്ള ജനങ്ങളെ ബാധിക്കുന്ന വിഷയങ്ങളിൽ പ്രധാനമന്ത്രി നരേന്ദ്രമോദി പുലർത്തുന്ന മൗനത്തിനെതിരെ ആഞ്ഞടിച്ച് കോൺഗ്രസ് നേതാവ് രാഹുൽ ഗാന്ധി. 'വിലക്കയറ്റം, ഇന്ധന വില വർധനവ്, തൊഴിലില്ലായ്മ, കർഷകരുടെയും ബി.ജെ.പി പ്രവർത്തകരുടെയും കൊലപാതകം തുടങ്ങിയ കാര്യങ്ങളിൽ പ്രധാനമ​ന്ത്രി നിശബ്​ദനാണ്. ​കാമറയും ഫോ​ട്ടോ സെഷനുകളും ഇല്ലാതാകു​​േമ്പാൾ മാത്രമാണ്​ മോദി ക്രുദ്ധനാവുന്നത്​' -രാഹുൽ ട്വീറ്റ്​ ചെയ്​തു.

'പ്രധാനമന്ത്രി നിശബ്ദത പാലിക്കുന്ന വിഷയങ്ങൾ: പണപ്പെരുപ്പം, ഇന്ധന വില വർധന, തൊഴിലില്ലായ്മ, കർഷകരുടെയും ബി.ജെ.പി പ്രവർത്തകരുടെയും കൊലപാതകം.

പ്രധാനമന്ത്രി ക്രുദ്ധനാവുന്ന വിഷയങ്ങൾ: ക്യാമറയുടെയും ഫോട്ടോയുടെയും അഭാവം, വിമർശനം, സുഹൃത്തുക്കളെ കുറിച്ചുള്ള ചോദ്യം' -രാഹുൽ ട്വീറ്റ് ചെയ്തു.

ലഖിംപൂർ ഖേരിയിൽ കർഷകരെ വാഹനം കയറ്റിക്കൊന്ന സംഭവത്തിൽ മോദി ഇതുവ​െര പ്രതികരിച്ചിട്ടില്ല. തന്‍റെ മന്ത്രിസഭയി​െല ആഭ്യന്തര സഹമന്ത്രി അജയ്​മിശ്രയുടെ മകൻ ആശിഷ്​ മിശ്രയാണ്​ കേസിൽ പ്രതി. ഇയാ​െള ഇന്നലെ അറസ്റ്റ്​ ചെയ്​തിരുന്നു. എന്നിട്ടും പ്രധാനമന്ത്രി മൗനം തുടരുകയാണ്​. കൂടാതെ തുടർച്ചയായ ആറാം ദിവസവും രാജ്യത്ത് പെട്രോൾ, ഡീസൽ വില വർധിപ്പിച്ചിരുന്നു.