സർക്കാരി​െൻറ പോരാട്ടം അഴിമതിക്കും ദാരിദ്ര്യത്തിനും എതിരെ– മോദി

ലഖ്​നോ: അഴിമതിക്കും കള്ളപ്പണത്തിനും എതി​രാണ്​ സർക്കാറി​​െൻറ പോരാട്ടമെന്ന്​ പ്രധാനമന്ത്രി നരേന്ദ്ര മോദി. ഉത്തർപ്രദേശിലെ മീററ്റിൽ ബി.ജെ.പിയുടെ തെരഞ്ഞെടുപ്പ്​ പ്രചാരണ യോഗത്തിൽ സംസാരിക്കുകയായിരുന്നു അദ്ദേഹം. 1857ൽ ബ്രിട്ടീഷ്​ ഭരണത്തിനെതിരായിരുന്നു പോരാട്ടമെങ്കിൽ ഇന്ന്​ കള്ളപണത്തിനും ദാരിദ്ര്യത്തിനും എതിരായാണ്​ പോരാട്ടം നടക്കുന്നതെന്ന്​ മോദി പറഞ്ഞു. സമാജ്​വാദി പാർട്ടി, കോൺഗ്രസ്​, അഖിലേഷ്​, മായവതി എന്നിവർക്കെതിരെയാണ്​ ബി.ജെ.പിയുടെ പോരാട്ടം​. ഇവരുടെ പേരുകളുടെ ആദ്യാക്ഷരങ്ങൾ കൂട്ടി വായിച്ചാൽ അഴിമതിയുടെ ഇംഗ്ലീഷ്​ പദം ലഭിക്കുമെന്നും മോദി പരിഹസിച്ചു.

ഇന്നലെ വരെ കോൺഗ്രസ്​ സമാജ്​ വാദി പാർട്ടി​യെ കുറ്റം പറയു​കയായിരുന്നു. എന്നാൽ ഇന്ന്​ കോൺഗ്രസ്​ അവർക്കൊപ്പമാണ്​ തെരഞ്ഞെടുപ്പിനെ ​നേരിടുന്നതെന്നും മോദി പറഞ്ഞു. ആരോഗ്യരംഗത്തെ വികസന പ്രവർത്തനങ്ങൾക്കായി യു.പി സർക്കാറിന്​ 4,000 കോടി രൂപ നൽകിയിരുന്നു. ഇതിൽ 2,500 കോടി രൂപ പോലും സർക്കാർ വി​നിയോഗിച്ചിട്ടില്ലെന്നും മോദി കുറ്റപ്പെടുത്തി.

കേന്ദ്രസർക്കാറി​​െൻറ പദ്ധതികൾ ഉത്തർപ്രദേശിൽ നടപ്പിലാക്കണമെങ്കിൽ സമാജ്​വാദി പാർട്ടിയുടെ ഭരണം ഇല്ലാതാക്കി ബി.ജെ.പിയുടെ ഭരണം കൊണ്ടുവരണമെന്നും മോദി ആവശ്യപ്പെട്ടു. നേരത്തെ മീററ്റി​​െൻറ ചരിത്ര പ്രാധാന്യം ഒാർമിച്ചുകൊണ്ടാണ്​ ​ന​രേന്ദ്രമോദി പ്രസംഗം ആരംഭിച്ചത്​.