മുസ്​ലിംകൾക്കെതിരായ അതിക്രമം; മോദി മൗനം പാലിക്കുന്നു -ഉവൈസി

ന്യൂഡൽഹി: രാജ്യത്ത്​ ന്യൂനപക്ഷങ്ങൾക്കെതിരെ നടക്കുന്ന അതിക്രമങ്ങളിൽ പ്രധാനമന്ത്രി നരേന്ദ്രമോദിയുടെ മൗനം ച ോദ്യം ചെയ്​ത്​ ആൾ ഇന്ത്യ മജ് ലിസെ ഇത്തിഹാദുൽ മുസ്ലിമീൻ അധ്യക്ഷൻ അസദുദ്ദീൻ ഉവൈസി. ബാബ്​രി മസ്​ജിദ്​ തകർത്തതി ന്​ ഉത്തരവാദി പ്രധാനമന്ത്രി നരസിംഹറാവുവാണ്​​. അതുപോലെ മുസ്​ലിംകൾ അതിക്രമിക്കപ്പെടു​േമ്പാൾ മോദിയും ഒന്നും ചെയ്യുന്നില്ല. പ്രധാനമന്ത്രിയുടെ ആശയങ്ങളും പ്രവർത്തികളും തമ്മിൽ അജഗാജാന്തര വ്യത്യാസമുണ്ട്​. ബി.ജെ.പിക്ക്​ ഒരു മുസ്​ലിം എം.പി പോലും ഇല്ല. മുസ്​ലിംകളെ പിൻനിരയിലേക്ക്​ നിർത്തുന്നത്​ ആരാണെന്നും ഉവൈസി ചോദിച്ചു.

പ്രധാനമന്ത്രി ഷഹബാനുവിനെ ഓർമിക്കണം. അദ്ദേഹത്തിന്​ ആൾക്കൂട്ട മർദനത്തിന്​ ഇരയായ തബ്​രിസ്​ അൻസാരിയെയോ അഖ്​ലാകിനെയോ പെഹ്​ലു ഖാനെയോ ഓർമ്മയുണ്ടോ? അലിമുദ്ദീൻ അൻസാരിയെ കൊലപ്പെടുത്തിയവരെ മാലയിട്ട്​ സ്വീകരിച്ച ബി.ജെ.പി മന്ത്രിയെ അദ്ദേഹം മറന്നിരിക്കുമോ. എന്തുകൊണ്ടാണ്​ നിങ്ങൾ മുസ്​ലിംകൾക്ക്​ സംവരണം നൽകാത്തതെന്ന​ും ഉവൈസി ചോദിച്ചു.

ജൂൺ 18നാണ്​ ഝാർഖണ്ഡിലെ സരായ്​ഖേല സദർ ജില്ലയിൽ തബ്​രിസ്​ അൻസാരിയെന്ന 24കാരനെ ആൾക്കൂട്ടം കെട്ടിയിട്ട്​ ‘ജയ്​ ശ്രീരാം’, ‘ജയ്​ ഹനുമാൻ’ വിളിപ്പിച്ച്​ മണിക്കൂറുകളോളം മർദിച്ചത്​. പിന്നീട്​ ഇയാൾ പൊലീസ്​ കസ്​റ്റഡിയിൽ വെച്ച്​ മരിക്കുകയായിരുന്നു. കഴിഞ്ഞ ദിവസം കൊൽക്കത്തയിൽ ലോക്കൽ ട്രെയിനിൽ വെച്ച്​ മദറ്​സ അധ്യപകനെ ‘ജയ്​ ശ്രീരാം’ വിളിക്കാനാവശ്യപ്പെട്ട്​ ഒരു സംഘം ആക്രമിക്കുകയും ചെയ്​തിരുന്നു.