Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightമോദിക്ക്​ നേട്ടം,...

മോദിക്ക്​ നേട്ടം, ഷാക്ക്​ നഷ്​ടം; ഒരു വർഷത്തിനിടെ മോദിയുടെ സ്വത്തിൽ വർധന, അമിത്​ ഷായുടെ സ്വത്തിൽ ഇടിവ്​

text_fields
bookmark_border
മോദിക്ക്​ നേട്ടം, ഷാക്ക്​ നഷ്​ടം; ഒരു വർഷത്തിനിടെ മോദിയുടെ സ്വത്തിൽ വർധന, അമിത്​ ഷായുടെ സ്വത്തിൽ ഇടിവ്​
cancel

ന്യൂഡൽഹി: ഒരുവർഷത്തിനിടെ പ്രധാനമന്ത്രി നരേന്ദ്രമോദിയുടെ സ്വത്തിൽ വർധന. അതേസമയം ഒാഹരി വിപണിയിലുണ്ടായ ചാഞ്ചാട്ടത്തെ തുടർന്ന്​ ആഭ്യന്തരമന്ത്രി അമിത്​ ഷായുടെ സ്വത്തിൽ കുറവ്​ രേഖപ്പെടുത്തിയതായും പ്രധാനമന്ത്രിയുടെ ഒാഫിസ്​ ആസ്​തി വെളിപ്പെടുത്തി സമർപ്പിച്ച റിപ്പോർട്ടിൽ പറയുന്നു.

2020 ജൂൺ 30ന്​ പ്രധാനമന്ത്രി​ നരേന്ദ്ര​മോദിയുടെ ആസ്​തി 2.85 കോടിയാണ്​. മുൻവർഷം ഇത്​ 2.49 കോടിയായിരുന്നു. 36 ലക്ഷത്തി​െൻറ വർധനയുണ്ടായി. ഇതിൽ 3.3 ലക്ഷം രൂപ ബാങ്ക്​ നിക്ഷേപമായും 33ലക്ഷം രൂപ നിക്ഷേപത്തിൽനിന്നുള്ള വരുമാനവുമായാണ്​ വർധിച്ചതായി കാണിച്ചിരിക്കുന്നത്​.

മോദിക്ക്​ 1.75 കോടിയുടെ ജംഗമ സ്വത്തുക്കളും എസ്​.ബി.ഐ ഗാന്ധിനഗർ ബ്രാഞ്ചിൽ 3.38 ലക്ഷത്തി​െൻറ നിക്ഷേപവുമുണ്ട്​. കൂടാതെ 31,450 രൂപ പണമായും കൈയിൽ സൂക്ഷിക്കുന്നു. കൂടാതെ 1.6 കോടിയുടെ സ്​ഥിര നിക്ഷേപവും 84.3ലക്ഷം രൂപയൂടെ നാഷനൽ സേവിങ്​സ്​ സർട്ടിഫിക്കറ്റും 1.5 ലക്ഷത്തി​െൻറ ഇൻഷുറൻസ്​ പോളിസിയും 20,000 രൂപയുടെ ഇൻഫ്ര ബോണ്ടും സ്വത്തുക്കളിൽ ഉൾപ്പെടും.

നരേന്ദ്രമോദിക്ക്​ മറ്റു വായ്​പ ബാധ്യതകളൊന്നും നിലവിൽ ഇല്ല. അദ്ദേഹത്തി​െൻറ പേരിൽ വാഹനങ്ങളും ഇല്ല. 1.45 ലക്ഷം രൂപ വിപണി വില വരുന്ന നാലു സ്വർണ മോതിരം മോദിയുടെ സ്വത്തുക്കളിൽ ഉൾപ്പെടും. മൂന്ന്​ പേർക്ക്​ ഉടമസ്​ഥാവകാശമുള്ള 3531 സ്​ക്വയർ ഫീറ്റി​െൻറ സ്​ഥലവും 1.3 ലക്ഷത്തി​െൻറ സ്​ഥലവും മോദിയുടെ പേരിലുണ്ട്​.

അതേസമയം വിപണിയിലെ ചാഞ്ചാട്ടത്തെ തുടർന്ന്​ ആഭ്യന്തര മന്ത്രി അമിത്​ ഷായുടെ സ്വത്തിൽ ഇടിവുണ്ടായി. മുൻ വർഷം 32.3 കോടിയുടെ സ്വത്തുണ്ടായിരുന്ന അമിത്​ ഷാക്ക്​ ഇൗ വർഷം 28.63 ​കോടിയുടെ സ്വത്തായി. 3.7 കോടിയുടെ നഷ്​ടം നേരിട്ടു.

ഗുജറാത്തി​ലെ അദ്ദേഹത്തി​െൻറ ആകെ സ്വത്തുക്കളുടെ മൂല്യം 13.56 കോടി രൂപയാണ്​. 15,814 രൂപ കൈയിൽ കരുതുന്നു. ബാങ്ക്​ നിക്ഷേപം 1.04 കോടിയും ജുവല്ലറി 44.47ലക്ഷവുമാണ്​. 16ലക്ഷത്തി​െൻറ ഇൻഷുറൻസ്​, പെൻഷൻ പോളിസിയും അമിത്​ ഷാക്കുണ്ട്​. 13.5 കോടിയുടെ ഒാഹരികൾ അദ്ദേഹത്തിനുണ്ട്​. കഴിഞ്ഞവർഷം ഇവയുടെ മൂല്യം 17.9 കോടി ആയിരുന്നു. 17.77 ലക്ഷം രൂപയുടെ ബാധ്യതയും അമിത്​ ഷാക്കുണ്ട്​. അമിത്​ ഷായുടെ ഭാര്യ സോനാലി​െൻറ ആസ്​തി 8.53 കോടിയിൽനിന്ന്​ ഒമ്പത്​ കോടിയായി ഇൗ വർഷം വർധിച്ചു.

Show Full Article
TAGS:Amit sha Wealth PM Modi Wealth 
Web Title - PM Modi net worth rise last year Amit Shahs wealth declines
Next Story