മോദിയുടെ വിദേശയാത്രകൾ ചെലവ്​ ചുരുക്കിയാണെന്ന്​ അമിത്​ ഷാ

ന്യൂഡൽഹി: പ്രധാനമന്ത്രി നരേന്ദ്ര​ മോദിയുടെ വിദേശയാത്രകൾ ചെലവ്​ ചുരുക്കിയുള്ളവയാണെന്ന്​ വ്യക്​തമാക്കി അഭ് യന്തര മന്ത്രി അമിത്​ ഷാ. പാർലമ​​െൻറിലാണ്​ അമിത്​ ഷായുടെ പരാമർശം. വിമാനം സാ​ങ്കേതിക ആവശ്യങ്ങൾക്കായി നിർത്തു​േ മ്പാൾ പഞ്ചനക്ഷത്ര ഹോട്ടലുകൾ ഒഴിവാക്കി എയർപോർട്ട്​ ടെർമിനലുകളിലാണ്​ മോദി രാത്രി താമസിക്കാറുള്ളതെന്ന്​ അമിത്​ ഷാ പറഞ്ഞു.

വിദേശയാത്രകളിൽ ഇന്ധനം നിറക്കാനായി വിമാനം നിർത്തിയിടു​േമ്പാൾ മറ്റ്​ പ്രധാനമന്ത്രിമാർ ആഡംബര ഹോട്ടലുകളിൽ താമസിക്കാറാണ്​ പതിവ്​. എന്നാൽ, നരേന്ദ്രമോദി ഇത്​ ഒഴിവാക്കി എയർപോർട്ട്​ ടെർമിനലുകളിൽ തന്നെ താമസിക്കും. പേഴ്​സണൽ സ്​റ്റാഫംഗങ്ങളിൽ 20 ശതമാനത്തിനെ മാത്രമേ മോദി ഒപ്പം കൂട്ടാറുള്ളു. മുൻ പ്രധാനമന്ത്രിമാർ വിദേശ യാത്രകളിൽ കൂടുതൽ വാഹനങ്ങൾ ഉപയോഗിക്കു​േമ്പാൾ മോദി കുറച്ച്​​ എണ്ണം മാത്രമാണ്​ ഉപ​യോഗിക്കാറുള്ളതെന്നും ഷാ പാർലമ​​െൻറിൽ അവകാശപ്പെട്ടു.

സോണിയ ഗാന്ധി ഉൾപ്പടെയുള്ള കോൺഗ്രസ്​ നേതാക്കളുടെ എസ്​.പി.ജി സുരക്ഷ പിൻവലിച്ചതിൽ വിമർശനമുയരുന്നതിനിടെയാണ്​ മോദിയുടെ ലാളിത്യത്തെ പുകഴ്​ത്തി അമിത്​ ഷാ രംഗത്തെത്തിയിരിക്കുന്നത്​.