Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകോവിഡ്​...

കോവിഡ്​ പ്രതിരോധത്തിനായി പ്രയത്​നിക്കുന്ന സിവിൽ സർവീസുകാരെ അഭിനന്ദിച്ച്​ മോദി

text_fields
bookmark_border
കോവിഡ്​ പ്രതിരോധത്തിനായി പ്രയത്​നിക്കുന്ന സിവിൽ സർവീസുകാരെ അഭിനന്ദിച്ച്​ മോദി
cancel

ന്യൂഡൽഹി: രാജ്യത്ത്​ നിന്ന്​ കോവിഡ് 19നെ തുടച്ചുമാറ്റുന്നതിന്​ പ്രയത്​നിച്ചു കൊണ്ടിരിക്കുന്ന സിവിൽ സർവീസ്​ ഉദ്യോഗസ്ഥരുടെ ശ്രമങ്ങളെ പ്രശംസിച്ച്​ പ്രധാനമന്ത്രി നരേന്ദ്ര മോദി. സിവിൽ സർവീസ്​ ദിനമായി ആചരിക്കുന്ന ഇന്ന് ​ എല്ലാ ഉദ്യോഗസ്ഥർക്കും കുടുംബാംഗങ്ങൾക്കും ആശംസകൾ അറിയിക്കുന്നതായി മോദി ട്വീറ്റ്​ ചെയ്​തു.

ഇന്ത്യയിൽ കോവിഡ് 19നെ വിജയകരമായി കീഴ്​പ്പെടുത്തുന്നതിന്​ വേണ്ടിയുള്ള സിവിൽ സർവീസുകാരുടെ ശ്രമങ്ങളെ അഭിനന്ദിക്കുന്നു. അവർ സമയം മുഴുവൻ പ്രവർത്തിക്കുകയും മറ്റുള്ളവരെ സഹായിക്കുകയും ഒപ്പം എല്ലാവരും ആരോഗ്യവാന്മാരാണെന്ന് ഉറപ്പാക്കുകയും ചെയ്യുന്നുണ്ട്​ -പ്രധാനമന്ത്രി ട്വീറ്റിൽ കുറിച്ചു.

സിവിൽ സർവീസ് ദിനത്തിൽ, ഭരണപരമായ ചട്ടക്കൂട് വിഭാവനം ചെയ്യുകയും വികസനവും അനുകമ്പയും അടിസ്ഥാനമാക്കിയുള്ള സംവിധാനം കെട്ടിപ്പടുക്കുന്നതിന് ഊന്നൽ നൽകുകയും ചെയ്​ത സർദാർ പട്ടേലിന് ആദരാഞ്ജലികൾ അർപ്പിക്കുന്നുവെന്നും മോദി ട്വീറ്റ്​ ചെയ്​തു. 2018ലെ സിവിൽ സർവീസ്​ ദിനത്തിൽ നടത്തിയ പ്രസംഗത്തി​​െൻറ വിഡിയോയും അദ്ദേഹം പങ്കുവെച്ചിട്ടുണ്ട്​.

Show Full Article
TAGS:covid19 PM Modi Civil Service Day india news 
News Summary - PM Modi appreciates civil servants’ efforts ensuring India defeats Covid-19 - India news
Next Story