പ്രധാനമന്ത്രി തന്നത്​ ശൂന്യമായ ​േപജും തലക്കെട്ടും മാത്രം -പി. ചിദംബരം

ന്യൂഡൽഹി: പ്രധാനമന്ത്രി നരേന്ദ്രമോദിയുടെ 20 ലക്ഷം കോടിയുടെ പാക്കേജ്​ പ്രഖ്യാപനത്തിന്​ പ്രതികരണവുമായി മുൻ കേന്ദ്ര ധനകാര്യമന്ത്രിയും കോൺഗ്രസ്​ നേതാവുമായ പി. ചിദംബരം. പ്രധാനമന്ത്രി നൽകിയത്​ ഒരു തലക്കെട്ടും ശൂന്യമായ പേജും മാത്രമാണെന്ന്​ ചിദംബരം അഭി​പ്രായപ്പെട്ടു. അതിനാൽ തന്നെ ഇതേ കുറിച്ചുള്ള ബുധനാഴ്​ചത്തെ ത​​െൻറ പ്രതികരണവും ശൂന്യമായിരുന്നെന്നും അദ്ദേഹം കൂട്ടിച്ചേർത്തു. ട്വിറ്ററിലൂടെയാണ്​ ചിദംബരം ഇങ്ങനെ അഭിപ്രായപ്പെട്ടത്​. 

Yesterday, PM gave us a headline and a blank page. Naturally, my reaction was a blank!

Today, we look forward to the FM filling the blank page. We will carefully count every ADDITIONAL rupee that the government will actually infuse into the economy.

— P. Chidambaram (@PChidambaram_IN) May 13, 2020

‘‘ഇന്നലെ പ്രധാനമന്ത്രി നമുക്ക്​ തന്നത്​ ഒരു തലക്കെട്ടും ശൂന്യമായ പേജുമാണ്​. സ്വാഭാവികമായും എ​​െൻറ പ്രതികരണവും ശൂന്യമായിരുന്നു. ധനകാര്യമന്ത്രി ഇന്ന്​ ആ പേജ്​ പൂരിപ്പിക്കുന്നതിനാണ്​ നമ്മൾ കാത്തിരിക്കുന്നത്​. സർക്കാർ സമ്പദ്​വ്യവസ്ഥയിലേക്ക്​ യഥാർഥത്തിൽ പകരുന്ന ഓരോ അധിക തുകയും ഞങ്ങൾ ശ്രദ്ധപൂർവം എണ്ണും. ’’ -ചിദംബരം ട്വീറ്റ്​ ചെയ്​തു.

ആർക്കൊക്കെ എത്രയൊ​ക്കെ കിട്ടി എന്നതും ശ്രദ്ധാപൂർവം പരിശോധിക്കും. നൂറ്​ കണക്കിന്​ കിലോമീറ്റർ ദൂരം നടന്ന്​ സ്വന്തം സംസ്ഥാനങ്ങളിലേക്ക്​ പോയ അന്തർ സംസ്ഥാന തൊഴിലാളികൾക്കും പാവപ്പെട്ടവർക്കും വിശക്കുന്നവർക്കും എന്തു കിട്ടിയെന്നാവും ആദ്യം തങ്ങൾ പരിശോധിക്കുകയെന്നും ചിദംബരം മറ്റൊരു ട്വീറ്റിൽ വ്യക്തമാക്കി. 

We will also carefully examine who gets what?
And the first thing we will look for is what the poor, hungry and devastated migrant workers can expect after they have walked hundreds of kilometres to their home states.

— P. Chidambaram (@PChidambaram_IN) May 13, 2020

കോവിഡ്​ വ്യാപനം തടയാനായി പ്രഖ്യാപിച്ച ലോക്ക്​ഡൗണിനെ തുടർന്ന്​ 20 ലക്ഷം കോടിയുടെ പാക്കേജാണ്​ കേന്ദ്ര സർക്കാർ ചൊവ്വാഴ്​ച പ്രഖ്യാപിച്ചത്​. പാക്കേജി​​െൻറ വിശദ വിവരം ബുധനാഴ്​ച വൈകുന്നേരം ധനമന്ത്രി നിർമല സീതാരാമൻ വിശദീകരിക്കും.