ബീഹാറിലെ ആശുപത്രികൾക്ക്​ പി.എം കെയേഴ്​​സിൽ നിന്ന്​ പണം നൽകും; ഇലക്ഷൻ സ്​റ്റണ്ടെന്ന്​ പ്രതിപക്ഷം

ഡൽഹി: ബീഹാറിലെ രണ്ട്​ ആശുപത്രികൾക്ക്​ പി.എം കെയേഴ്​സിൽ നിന്ന് പണം നൽകാൻ തീരുമാനം. ബീഹാർ നിയമസഭാ തെരഞ്ഞെടുപ്പിന് മുന്നോടിയായി പട്​നയിലും മുസാഫർപൂരിലും 500 കിടക്കകളുള്ള കോവിഡ് -19 താൽക്കാലിക ആശുപത്രികൾക്ക്​ ധനസഹായം നൽകുമെന്ന് പ്രധാനമന്ത്രിയുടെ ഓഫീസാണ്​ തിങ്കളാഴ്ച അറിയിച്ചത്​.

'ബി‌ഹാറിലെ പട്‌നയിലും മുസാഫർപൂരിലുമുള്ള കോവിഡ് ആശുപത്രികൾക്ക്​ പണം അനുവദിക്കാൻ പി‌ എം കെയേഴ്​സ്​ ഫണ്ട് ട്രസ്റ്റ് തീരുമാനിച്ചു. ബീഹാറിലെ കോവിഡ് ചികിത്സ മെച്ചപ്പെടുത്തുന്നതിന് ഇത് വളരെയധികം സഹായിക്കും'-പി‌.എം‌.ഒ ഇന്ത്യ ട്വീറ്റ്​ ചെയ്തു. പട്​നയിലെ ബിഹ്തയിൽ 500 കിടക്കകളുള്ള ആശുപത്രി തിങ്കളാഴ്​ച ഉദ്ഘാടനം ചെയ്​തെന്നും മുസാഫർപൂരിലേത്​ ഉടൻ ഉദ്ഘാടനം ചെയ്യുമെന്നും മറ്റൊരു ട്വീറ്റിലുണ്ട്​.

PM-CARES Fund Trust has decided to allocate funds for fight against COVID-19 by way of establishment of 500-bed COVID-19 Makeshift Hospitals at Patna & Muzaffarpur, Bihar by DRDO. This will go a long way in improving COVID care in Bihar. pic.twitter.com/AAPEIDDcRc

— PMO India (@PMOIndia) August 24, 2020

ആശുപത്രികളിൽ വെൻറിലേറ്ററുകളുള്ള 125 ഐ.സി.യു കിടക്കകളും 375 സാധാരണ കിടക്കകളുമുണ്ട്. ഓരോ കിടക്കയ്ക്കും ഓക്സിജൻ വിതരണമുണ്ട്. സായുധ സേനയാണ്​ ഡോക്ടർമാരേയും പാരാമെഡിക്കൽ സ്റ്റാഫുകളേയും നൽകുകയെന്നും പി.എം.ഒ ഇന്ത്യ ട്വീറ്റ്​ ചെയ്യുന്നു. എന്നാൽ പ്രധാനമന്ത്രിയു​െട നീക്കം വളരെ താമസിച്ചുപോയെന്നും ഇത് വളരെ നേരത്തെ ചെയ്യേണ്ടതായിരുന്നുവെന്നും പ്രതിപക്ഷം പറഞ്ഞു.

ഒക്ടോബറിലും നവംബറിലുമായി നടക്കുന്ന ബീഹാർ തെരഞ്ഞെടുപ്പ്​ ലക്ഷ്യമിട്ടാണ്​ പ്രധാനമന്ത്രി നരേന്ദ്രമോദിയുടെ പുതിയ നടപടികൾ. കുറച്ച് മാസങ്ങളായി മോദി ത​െൻറ പ്രസംഗങ്ങളിലും മാൻ കി ബാത്ത് പരിപാടികളിലും ബീഹാറിനെപറ്റി വാചാലനായിരുന്നു.

These hospitals have 125 ICU beds with ventilators and 375 normal beds each. Each bed also has oxygen supply. The doctors and paramedical staff will be provided by the Armed Forces Medical Services. pic.twitter.com/FYnISoXae8

— PMO India (@PMOIndia) August 24, 2020

മോദി ത​െൻറ സ്വാതന്ത്ര്യദിന പ്രസംഗത്തിൽ പ്രോജക്ട് ടൈഗർ, പ്രോജക്ട് എലിഫൻറ്​ എന്നിവയുടെ മാതൃകയിൽ പ്രോജക്ട് ഡോൾഫിൻ പ്രഖ്യാപിച്ചിരുന്നു. ബീഹാറിൽ ഗംഗാ നദിയിൽ രണ്ട് ഡോൾഫിൻ സങ്കേതങ്ങളുണ്ട്. ഇതാണ്​ പ്രധാനമന്ത്രിയുടെ ഉന്നമെന്നും മേഖലയിലുള്ളവർ പറയുന്നു.