Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമതനാമങ്ങളുള്ള...

മതനാമങ്ങളുള്ള രാഷ്ട്രീയ പാർട്ടികളെ നിരോധിക്കണമെന്ന ഹരജി; മുസ്‍ലിം ലീഗിനെ കക്ഷിചേർത്തു

text_fields
bookmark_border
Facing technical glitches, SC hears arguments of lady petitioner on cell phone
cancel

ന്യൂഡൽഹി: മതനാമങ്ങളും ചിഹ്നങ്ങളും പേരിലും കൊടിയിലുമുള്ള രാഷ്ട്രീയ പാർട്ടികളുടെ അംഗീകാരം റദ്ദ് ചെയ്യാൻ തെരഞ്ഞെടുപ്പ് കമീഷന് നിർദേശം നൽകണമെന്നാവശ്യപ്പെട്ട് നൽകിയ ഹരജി ജനുവരി 31ലേക്ക് സുപ്രീംകോടതി മാറ്റി. ഹരജിയില്‍ മുസ്‌ലിം ലീഗിനെ കക്ഷിചേര്‍ക്കാന്‍ കോടതി നിര്‍ദേശം നല്‍കി. മുസ്‍ലിം ലീഗിന്റെ ആവശ്യപ്രകാരമാണ് ജസ്റ്റിസ് എം.ആര്‍. ഷാ അധ്യക്ഷനായ ബെഞ്ചിന്റെ നടപടി.

ഓള്‍ ഇന്ത്യ മജ്‌ലിസെ ഇത്തിഹാദുല്‍ മുസ്‍ലിമീനെയും കക്ഷിചേര്‍ക്കാൻ കോടതി ആവശ്യപ്പെട്ടു. ഹരിദ്വാറിലെ വംശഹത്യാ ആഹ്വാന കേസില്‍ ജാമ്യത്തില്‍ കഴിയുന്ന ജിതേന്ദ്ര ത്യാഗിയാണ് ഹരജിക്കാരന്‍.

കേസ് നേരത്തേ പരിഗണിക്കവെ ഹരജിയില്‍ പരാമര്‍ശമുള്ളതിനാല്‍ മുസ്‍ലിം ലീഗിനെയും ഇത്തിഹാദുല്‍ മുസ്‍ലിമീനെയും കക്ഷിചേര്‍ക്കാന്‍ കോടതി ഹരജിക്കാരനോട് നിര്‍ദേശിച്ചിരുന്നു. ഹരജിക്കാരൻ ഇതിനു തയാറായില്ല. ഇതോടെയാണ് ലീഗ് കോടതിയെ സമീപിച്ചത്. മതം സൂചിപ്പിക്കുന്ന പേരുകള്‍ രാഷ്ട്രീയ പാര്‍ട്ടികള്‍ സ്വീകരിക്കുന്നത് തടയാന്‍ തെരഞ്ഞെടുപ്പ് കമീഷന് അധികാരമോ ജനപ്രാതിനിധ്യ നിയമത്തില്‍ വകുപ്പോ ഇല്ലെന്ന് ലീഗിന്റെ അഭിഭാഷകന്‍ ദുഷ്യന്ത് ദവെ കോടതി മുമ്പാകെ ചൂണ്ടിക്കാട്ടി.

Show Full Article
TAGS:political party religion 
News Summary - plea to cancel symbols, names of political parties using religion
Next Story