പശ്​ചിമബംഗാളിൽ ജൂൺ ഒന്ന്​ മുതൽ ആരാധനാലയങ്ങൾ തുറക്കു​െമന്ന്​ മമത

കൊൽക്കത്ത: പശ്​ചിമബംഗാളിൽ ജൂൺ ഒന്ന്​ മുതൽ ആരാധനാലയങ്ങൾ തുറക്കുമെന്ന്​ മുഖ്യമന്ത്രി മമത ബാനർജി. അമ്പലങ്ങളും പള്ളികളും ഗുരുദ്വാരകളും തുറക്കുമെന്നും മുഖ്യമന്ത്രി അറിയിച്ചു. 

എന്നാൽ, ആരാധനാലയങ്ങളിൽ 10ൽ കൂടുതൽ ആളുകൾക്ക്​ പ്രവേശനാനുമതിയുണ്ടാവില്ല. കൂട്ട പ്രാർഥന നടത്താനും അനുവദിക്കില്ലെന്നും മമത വ്യക്​തമാക്കി. തേയില, പരുത്തി വ്യവസായങ്ങൾക്ക്​ 100 തൊഴിലാളികളുമായി പ്രവർത്തിക്കാനുള്ള അനുമതിയും മമത നൽകി. 

നാലാം ഘട്ട ലോക്​ഡൗൺ ഞായറാഴ്​ച അവസാനിക്കാനിരികെയാണ്​ മമത ഇളവുകൾ നൽകിയത്​. ലോക്​ഡൗൺ രണ്ടാഴ്​ചത്തേക്ക്​ കൂടി നീട്ടുമെന്നാണ്​ കേന്ദ്രസർക്കാർ നൽകുന്ന സൂചന.