You are here

‘മി. ഗോതാലയുടെ നുണ’; വന്ദേ ഭാരത്​ എക്​സ്​പ്രസ്​ വിഡിയോയെ പരിഹസിച്ച്​ കോൺഗ്രസ്​

12:07 PM
11/02/2019

ന്യൂഡൽഹി: മിന്നലിനേക്കാൾ സ്​പീഡിൽ കുതിക്കുന്ന ഇന്ത്യയുടെ ആദ്യ സെമി -ഹൈസ്​പീഡ്​ ട്രെയിൻ എന്ന വിശേഷണവുമായി റെയിൽവേ മന്ത്രി പിയൂഷ്​ ഗോയൽ ട്വിറ്ററിൽ പങ്കുവെച്ച വന്ദേ ഭാരത്​ ട്രെയിനി​​െൻറ വിഡിയോയെ പരിഹസിച്ച്​ കോൺഗ്രസ്​. വിഡിയോയിൽ കൃത്രിമം കാണിച്ചിട്ടുണ്ടെന്നും മിന്നലിനേക്കാൾ വേഗത്തിൽ സഞ്ചരിക്കുന്നത്​ മിസ്​റ്റർ ഗോതാലയുടെ നുണകളാണെന്നും കോൺഗ്രസ്​ ട്വിറ്ററിലൂടെ പ്രതികരിച്ചു. 

‘ മെയ്​ക്ക്​ ഇൻ ഇന്ത്യ’യിലൂടെ നിർമിച്ച ഇന്ത്യയ​ുടെ ആദ്യ സെമി-ഹൈസ്​പീഡ്​ ട്രെയിൻ വന്ദേ ഭാരത്​ മിന്നലിനേക്കാൾ വേഗത്തിൽ കുതിക്കുന്നത്​ കാണൂ’ എന്ന  കുറിപ്പോടെയാണ്​ പിയൂഷ്​ ഗോയൽ വിഡിയോ ട്വീറ്റ്​ ചെയ്​തത്​. എന്നാൽ വിഡിയോ ഫാസ്​റ്റ്​ ഫോർവേഡ്​ മോഡിലെടുത്ത്​ സ്​പീഡ്​ കൂട്ടിയതാണെന്നത്​ വ്യക്തമാകുന്നുണ്ടെന്ന്​ പരിഹസിച്ച്​ നിരവധി കോൺഗ്രസ്​ നേതാക്കൾ രംഗത്തെത്തി. 

വിഡിയോയിൽ ഫ്രെയിം സ്​പീഡ്​ കൂട്ടിയതാണെന്ന്​ അറിയാമെന്നും  വ്യാജ പ്രചരണങ്ങൾ മാത്രമാണ്​ ബി.ജെ.പി നടത്തുന്നതെന്നും കോൺഗ്രസ്​ വക്താവ്​ ഖുശ്​ബു പ്രതികരിച്ചു. ഇത്​ രാജീവ്​ ഗാന്ധി സ്വപ്​നം കണ്ട ഡിജിറ്റിൽ ഇന്ത്യയാണ്​. കൃത്രിമത്വം കാണിക്കാൻ കഷ്​ട്ടപ്പെടരുത്​. പിയൂഷിനേക്കാൾ നന്നായി അത്​ മോദി ചെയ്യുമെന്നും ഖുശ്​ബു ട്വീറ്റ്​ ചെയ്​തു. 

ഫെബ്രുവരി 15 നാണ്​ വന്ദേ ഭാരത്​ ഹൈസ്​പീഡ്​ ട്രെയിൻ ഒാടിത്തുടങ്ങുക. ഡൽഹിയില്‍ നിന്ന് വാരണാസിയിലേക്കുള്ള 755 കിലോമീറ്റര്‍ ദൂരം എട്ട് മണിക്കൂര്‍ കൊണ്ട് എത്താൻ കഴിയും. 
 

Loading...
COMMENTS