പീയുഷ് ഗോയലിന് ധനമന്ത്രാലയത്തിന്‍റെ അധിക ചുമതല

ന്യൂഡൽഹി: വിദേശത്ത്​ ചികിത്സയിൽ കഴിയുന്ന ധനമന്ത്രി അരുൺ ജെയ്​റ്റ്​ലിയുടെ ചുമതലകൾ മന്ത്രി പിയൂഷ്​ ഗോയലിന്​ കൈമാറി രാഷ്​ട്രപതി രാംനാഥ്​ കോവിന്ദ്​ ഉത്തരവിറക്കി. പ്രധാനമന്ത്രി മോദിയുടെ അഭിപ്രായത്തെ തുടർന്നാണ്​ നടപടി. ധനവകുപ്പിന്​ പുറമെ ജെയ്​റ്റ്​ലിയുടെ വകുപ്പായ കോർപറേറ്റ്​ കാര്യങ്ങളും നൽകിയിട്ടുണ്ട്​. ജെയ്​റ്റ്​ലി ഇനി വകുപ്പില്ലാ മന്ത്രിയായി തുടരും.

പിയൂഷ്​ ഗോയൽ നിലവിൽ റെയിൽ​​േവ, ഖനി വകുപ്പുകളുടെ ചുമതലയാണ്​ നിർവഹിക്കുന്നത്​. ധനവകുപ്പി​​​െൻറ അധിക ചുമതല വഹിക്കുന്ന അദ്ദേഹമായിരിക്കും ഇടക്കാല ബജറ്റ്​ അവതരിപ്പിക്കുക. കഴിഞ്ഞ വര്‍ഷം ജെയ്റ്റ്‍ലി ചികിത്സാ വിശ്രമത്തിലായിരുന്നപ്പോള്‍ നാല് മാസം ധനമന്ത്രാലയത്തിന്‍റെ ചുമതല വഹിച്ചിരുന്നതും ഗോയലായിരുന്നു.

തെരഞ്ഞെടുപ്പിന് തൊട്ടുമുന്‍പ് അവതരിപ്പിക്കാന്‍ പോകുന്ന ബജറ്റ് ആയതിനാല്‍ ജനപ്രിയ പ്രഖ്യാപനങ്ങള്‍ക്കാകും കൂടുതല്‍ പരിഗണനയെന്നാണ് വിവരം. മോദി സർക്കാറിന്‍റെ അവസാന ബജറ്റുകൂടിയാണ് ഇത്.