പിണറായി വിജയൻ കേന്ദ്ര വിദ്യാഭ്യാസ മന്ത്രി...!!!

ഇന്ത്യയുടെ വിദ്യാഭാസ മന്ത്രിയായി കേരള മുഖ്യൻ  പിണറായി വിജയൻ അധികാരമേറ്റാൽ എങ്ങനെയിരിക്കും..?
മമതാ ബാനർജിയോ മായാവതിയോ പ്രധാനമന്ത്രി കസേരയിലിരുന്നാലോ...? ആഭ്യന്തരമന്ത്രിയായി ലാലു പ്രസാദ്​ യാദവോ മായാവതിയോ ഇരിക്ക​െട്ട.  ധനകാര്യ മന്ത്രിയായി അഴിമതി വിരുദ്ധനായ അരവിന്ദ്​ കെജ്​രിവാൾ തന്നെ ​േവണം. വിദേശകാര്യ മന്ത്രിയായി മറ്റാരെയും ആലോചിക്കേണ്ട, സാക്ഷാൽ രാഹുൽ ഗാന്ധി ​തന്നെ. പ്രതിരോധ മന്ത്രിയായി ഹാർദിക്​ പ​േട്ടൽ മതി. കൃഷി വകുപ്പ്​ ജിഗ്​നേഷ്​ മേവാനിക്കു തന്നെ കൊടുക്കണം. വാർത്താ വിതരണ വകുപ്പിന്​ മ​ന്ത്രിയുടെ ആവശ്യം തന്നെയില്ല. ജനാധിപത്യം പൂർണമായി പുലരുന്ന ഒരു രാജ്യത്ത്​ എന്തിനാണ്​ അഭിപ്രായങ്ങ​​െള നിരീക്ഷിക്കാൻ ഒരു വകുപ്പും മന്ത്രിയും...?

പാക്കിസ്​ഥാൻ ദിനപത്രം ‘ഡോണി’​​​​​െൻറ്​ ന്യൂഡൽഹി ലേഖകൻ ജാവേദ്​ നഖ്​വിയുടെ സ്വപ്​നങ്ങളിലെ ഇന്ത്യൻ ഭരണകൂടത്തിലാണ്​ പിണറായി വിജയനെ കേന്ദ്ര വിദ്യാഭ്യാസ മന്ത്രിയായി അവരോധിച്ചത്​. വർഷങ്ങളായി ‘ഡോൺ’നുവേണ്ടി ഡൽഹിയിൽ പത്രപ്രവർത്തനം നടത്തുന്ന ജാവേദ്​ നഖ്​വി ഇന്ത്യയിലെയും പാക്കിസ്​ഥാനിലെയും രാഷ്​ട്രീയ സാഹചര്യങ്ങളെ താരതമ്യം ചെയ്​ത ശേഷമാണ്​ ത​​​​​െൻറ സ്വപ്​നത്തിലെ കേന്ദ്ര സർക്കാറി​​​​​െൻറ ‘പ്രഖ്യാപനം’ നടത്തിയത്​.

രാജ്യങ്ങളുടെയും ഭരണകൂടങ്ങളുടെയും മുല്യത്തകർച്ച വിശദമാക്കി ത​​​​​െൻറ സുഹൃത്ത്​ ഫേസ്​ബുക്കിൽ പോസ്​റ്റ്​ ചെയ്​ത ഖലീൽ ജിബ്രാ​​​​​െൻറ കവിതയിലെ വരികൾ ഉദ്ധരിച്ചുകൊണ്ടാണ്​ ജാവേദ്​ ലേഖനം എ​ഴുതിയിരിക്കുന്നത്​.

‘‘മതമില്ലാത്ത, വിശ്വാസങ്ങൾ കൊണ്ടുനിറഞ്ഞ ഒര​ു രാജ്യത്തോട്​ സഹതപിക്കുകയല്ലാതെ എന്തു ചെയ്യാൻ...?
തുന്നാതെ ഉടുക്കുകയും കൊയ്യാതെ തിന്നുകയും ചെയ്യുന്ന ഒരു രാജ്യത്തോട്​ സഹതപിക്കുകയല്ലാതെ എന്തു ചെയ്യാൻ...?
അക്രമികളെ നായകരായും അവരുടെ തോന്ന്യവാസങ്ങളെ മഹത്തായതുമായി വാഴ്​ത്തുന്ന രാജ്യത്തോട്​ സഹതപിക്കുകയല്ലാതെന്തു ചെയ്യാൻ...?’’
എന്നു തുടങ്ങുന്ന ഖലീൽ ജിബ്രാ​​​​​െൻറ വരികൾ ഉദ്ധരിച്ച​ുകൊണ്ടാണ്​ ജാവേദ്​ നഖ്​വി രണ്ടു രാജ്യങ്ങളിലെയും രാഷ്​ട്രീയാവസ്​ഥകളെ താരതമ്യം ചെയ്യുന്നത്​.

നാലുവർഷത്തെ മോദി സർക്കാറി​​​​​െൻറ ഭരണം ഇന്ത്യക്ക്​ സമ്മാനിച്ച നിരാശയിൽനിന്ന്​ പ്രതിപക്ഷ കക്ഷികൾ മുന്നണി രൂപീകരിക്കുകയും പുതിയ സർക്കാർ 2019ൽ അധികാരത്തിൽ വരികയും ചെയ്യുകയാണെങ്കിൽ താൻ വിഭാവനം ചെയ്യുന്ന മന്ത്രിസഭയിലെ അംഗങ്ങളുടെ പേരെടുത്തുപറഞ്ഞാണ്​ നഖ്​വി പിണറായി വിജയനെ കേന്ദ്ര വിദ്യാഭ്യാസ മന്ത്രിയായി അവരോധിച്ചിരിക്കുന്നത്​. പാക്കിസ്​ഥാ​​​​​െൻറ ഇപ്പോഴത്തെ അവസ്​ഥയിൽ ഒരു സ്വപ്​ന സഭ അവതരിപ്പിക്കാൻ തനിക്കാവില്ലെന്ന മുൻകൂർ ജാമ്യവും നഖ്്​വി പ്രഖ്യാപിക്കുന്നുണ്ട്​.