ജനിക്കുന്നത്​ ആൺകുഞ്ഞാകാൻ ഗുളിക കഴിച്ച്​ ഹരിയാനയി​െല ഗർഭിണികൾ

പെൺകുഞ്ഞ്​ പിറക്കുന്നത്​ കുറ്റമാണെന്നും അതും​ അമ്മയുടെ കുറ്റമാ​െണന്നും കരുതുന്നവരാണ്​ പലരും. അതുകൊണ്ട്​ തന്നെ ആൺകുഞ്ഞുങ്ങൾ ഉണ്ടാകുന്നതിനായി പ്രത്യേക തരം മരുന്ന്​ കഴിക്കുകയാണ്​ ഹരിയാനയി​െല ഗർഭിണികൾ. പ്രദേശത്തെ ഒര ു സിദ്ധൻ നൽകുന്ന ​െഹർബൽ ഗുളികയാണ്​ (​സെക്​സ് ​സെലക്​ഷൻ ഡ്രഗ്​) ആൺകുഞ്ഞുണ്ടാകുന്നതിന്​ സഹായിക്കു​െമന്ന്​ നാട് ടുകാർ വിശ്വസിക്കുന്നത്​. ഗർഭത്തിലുള്ള കുഞ്ഞി​​​െൻറ ലിംഗമാറ്റത്തിന്​ ഇൗ ഗുളിക സഹായിക്കുമെന്നും അങ്ങനെ പെൺകു ഞ്ഞിനെ ഗർഭപാത്രത്തിൽ വെച്ചു തന്നെ ആണാക്കി മാറ്റാമെന്നുമാണ്​ നാട്ടുകാരുടെ വിശ്വാസം.

ആറു മുതൽ 12 ആഴ്​ച വരെ ഗർഭമുള്ളവരാണ്​ ഗുളിക കഴിക്കുന്നത്​. ഗുളിക കഴിക്കുന്നതിന്​ മറ്റു നിർദേശങ്ങളും സിദ്ധൻ നൽകുന്നുണ്ട്​. ഇടവിട്ട ദിവസങ്ങളിൽ പുലർ​െച്ച എഴുന്നേറ്റ്​ മൂന്ന്​ ഗുളികകൾ കഴിക്കണം. കാളയെ പ്രസവിച്ച പശുവി​ൻപാലിൽ ചേർത്താണ്​​ ഗുളിക കുടിക്കേണ്ടത്​. കൂടാതെ ഗുളിക കഴിക്കുന്ന സമയത്ത്​ സമീപത്ത്​ മറ്റു സ്​ത്രീകളാരും പാടില്ല എന്നു മാത്രമല്ല, ഒരു പുരുഷ​​​െൻറ മുഖത്തേക്ക്​ നോക്കിക്കൊണ്ടു വേണം കഴിക്കാൻ. ആൺകുഞ്ഞ്​ ജനിക്കുന്നതിനായി ഹരിയാനയിലെ പല ഗർഭിണികളും ഇൗ നിർദേശം കൃത്യമായി പാലിക്കാറുമുണ്ട്​.

സ്​ത്രീപുരുഷാനുപാതം കുറവുള്ള സംസ്​ഥാനമാണ്​ ഹരിയാന 1000 പുരുഷൻമാർക്ക്​ 886 സ്​ത്രീകളാണ്​ ഇവിടെയുള്ളത്​. എന്നിട്ടും ആൺകുഞ്ഞി​​​െൻറ അമ്മമാർക്ക്​ മാത്രമാണ്​ സമൂഹത്തിൽ പരിഗണന ലഭിക്കുന്നത്​. തങ്ങളുടെ കുടുംബവും സ്വത്തും സംരക്ഷിക്കാനും പാരമ്പര്യം നിലനിർത്താനും ആൺകുട്ടികൾ പിറക്കണമെന്നാണ്​ നാട്ടുകാർ വിശ്വസിക്കുന്നത്​.

അതിനാൽ തന്നെ ഹരിയാനയിൽ ഏറ്റവും കൂടുതൽ വിറ്റഴിച്ചു പോകുന്ന ഗുളികയാണിത്​. ഇൗ വിഷയത്തി​​​െൻറ അപകടകരമായ മറ്റൊരു വശം എ​െന്തന്നുവച്ചാൽ, ഇത്​ ഗർഭസ്​ഥ ശിശുവിന്​ അപകടമുണ്ടാക്കുന്നുവെന്ന്​​ പഠനങ്ങൾ തെളിയിച്ചിട്ടുണ്ട്​. ഇൗ ഗുളിക കഴിക്കുന്ന അഞ്ചിൽ ഒരാൾക്ക്​ ചാപിള്ളയോ, ജന്മനാ വൈകല്യമുള്ള കുഞ്ഞോ ആണ്​ ജനിക്കുന്നത്​. ഗുളികയിൽ അനുവദനീയമായതിൽ അധികം ലെഡും 10 ഇരട്ടിയിലധികം മെർക്കുറിയും അടങ്ങിയിട്ടുണ്ടെന്നാണ്​ കണ്ടെത്തിയിട്ടുള്ളത്​. ഗർഭത്തി​​​െൻറ ആദ്യമാസങ്ങളിൽ തന്നെ വൻ തോതിൽ ലോഹാംശം ശരീരത്തിലെത്തുന്നത്​ ഭ്രൂണത്തിന്​ അപകടമുണ്ടാക്കുന്നു.

എന്നാൽ ഗുളിക കഴിച്ചിട്ടും പെൺകുഞ്ഞ്​ ജനിക്കുകയോ ചാപിള്ളയാവുകയോ വൈകല്യങ്ങളുള്ള കുഞ്ഞ്​ ജനിക്കുകയോ ചെയ്​താലും ആരും പരാതി പറയുന്നില്ല. അത്​ ഗുളികയുടെ പ്രചാരണം വർധിക്കുന്നതിനും ഇടവെക്കുന്നു.