കോവിഡ്​ 19; നാഷനൽ മീഡിയ സെൻറർ അടച്ചു

ന്യൂഡൽഹി: കേന്ദ്ര വാർത്ത, വിതരണ മന്ത്രാലയത്തിന്​ കീഴിലെ നാഷനൽ മീഡിയ സ​െൻറർ താൽക്കാലികമായി അടച്ചു. പ്രസ്​ ഇൻഫർമേഷൻ ബ്യൂറോ തലവൻ കെ.എസ്​. ദത്ത്​വാലിയക്ക്​ രോഗം സ്​ഥിരീകരിച്ചതിനെ തുടർന്നാണ്​ നടപടി. ഇദ്ദേഹത്തെ ആൾ ഇന്ത്യ ഇൻസ്​റ്റിറ്റ്യൂട്ട്​ ഓഫ്​​ മെഡിക്കൽ സയൻസസ്​ (എയിംസ്​) ട്രോമ സ​െൻററിൽ പ്രവേശിപ്പിച്ചു. ഇദ്ദേഹത്തിൻെറ ആരോഗ്യനില സംബന്ധിച്ച വിവരങ്ങൾ പുറത്തുവിട്ടിട്ടില്ല. 

നാഷനൽ മീഡിയ സ​െൻറർ അണുവിമുക്തമാക്കിയ ശേഷമായിരിക്കും ഇനി തുറന്നുപ്രവർത്തിക്കുക. ദത്ത്​വാലിയയുമായി സമ്പർക്കം പുലർത്തിയവരെ കണ്ടെത്താനുള്ള നടപടികൾ ആരംഭിച്ചു. പി.ഐ.ബിയിലെ വാർത്തസമ്മേളനം ഉൾപ്പെടെയുള്ള എല്ലാ പ്രവർത്തനങ്ങളും നാഷനൽ മീഡിയ സ​െൻറർ അണുവിമുക്തമാക്കുന്നതുവരെ ശാസ്​ത്രി ഭവനിലേക്ക്​ മാറ്റിയിട്ടുണ്ട്​. 

കോവിഡ്​ 19 മായി ബന്ധപ്പെട്ട വാർത്ത സമ്മേളനങ്ങളിൽ ദത്ത്​വാലിയ സ്​ഥിരസാന്നിധ്യമായിരുന്നു. ജൂൺ മൂന്നിന്​ കേന്ദ്രമന്ത്രിമാരായ നരേന്ദ്ര സിങ്​ തോമർ, പ്രകാശ്​ ജാവ്​ദേക്കർ എന്നിവരോടൊപ്പം വാർത്തസമ്മേളനത്തിൽ ​പ​െങ്കടുത്തിരുന്നു.