Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപ്രഫ. എം.ജി.കെ മേനോൻ...

പ്രഫ. എം.ജി.കെ മേനോൻ അന്തരിച്ചു

text_fields
bookmark_border
പ്രഫ. എം.ജി.കെ മേനോൻ അന്തരിച്ചു
cancel

ന്യൂഡൽഹി: പ്രമുഖ ഭൗതിക ശാസ്​ത്രജ്​ഞനും മുൻ കേന്ദ്ര ശാസ്ത്ര സാങ്കേതിക മന്ത്രിയുമായ  പ്രഫ.എം.ജി.കെ മേനോൻ(88) അന്തരിച്ചു. വി.പി സിങ്​ മന്ത്രിസഭയില്‍ ശാസ്ത്ര സാങ്കേതിക,വിദ്യാഭ്യാസ സഹമന്ത്രിയായിരുന്ന എം.ജി.കെ മേനോൻ ഇന്ത്യയുടെ ശാസ്​ത്ര സാ​േങ്കതിക വളർച്ചയിലും, ശാസ്​ത്ര ഗവേഷണ സ്ഥാപനങ്ങൾ പരിപോഷിപ്പിക്കുന്നതിലും പ്രധാന പങ്കുവഹിച്ചിട്ടുണ്ട്​.

1928 ആഗസ്​റ്റ്​ 28 ന്​ മംഗലാപുരത്താണ്​  മാമ്പിളളിക്കളത്തിൽ ഗോവിന്ദ കുമാർ മേനോൻ എന്ന എം.ജി.കെ മേനോ​െൻറ ജനനം. ജോധ്പൂരിലെ ജസ്വന്ത് കോളജിൽ നിന്നും ബോംബെ  റോയൽ ഇൻസ്​റ്റിറ്റ്യൂട്ട്​ ഒാഫ് സയൻസിൽ നിന്നും ബിരുദങ്ങൾ നേടിയ ശേഷം ബ്രിസ്​​റ്റോൾ യൂനി​േവഴ്സിററിയിൽ നിന്നും പിഎച്​.ഡി എടുത്തു. ഹോമി ജെ ഭാഭയുടെ നിർദേശത്തെ തുടർന്ന്​ ഇന്ത്യയിലെത്തിയ എം.ജി.കെ മേനാൻ  1955-ൽ ടാറ്റ ഇൻസ്​റ്റിറ്റ്യൂട്ട്​ ഒാഫ്​ ഫണ്ട​െമൻറൽ റിസർച്ചിൽ (TIFR) ചേർന്നു.  38 ാം വയസിൽ ടാറ്റ ഇൻസ്​റ്റിറ്റ്യൂട്ടി​െൻറ ഡയറക്​ടറായി. ഒമ്പതു വർഷത്തോളം ചുമതല വഹിച്ചു. ശാസ്​​ത്ര സാ​​​​േ​ങ്കതിക സെക്രട്ടറി(1971–1982), ഐ.എസ്.ആർ.ഒ ചെയർമാൻ, ​പ്രധാനമന്ത്രിയുടെ ശാസ്്ത്ര ഉപദേഷ്ടാവ് , ആസൂത്രണ  കമീഷൻ അംഗം, സിഎസ്​െഎആർ ഡയറക്​ടർ ജനറൽ, വൈസ്​ പ്രസിഡൻറ്​ എന്നീ പദവികളും വഹിച്ചിട്ടുണ്ട്​. 1990–96കാലയളവിൽ രാജ്യസഭാംഗമായിരുന്നു.

പദ്മശ്രീ (1961) പദ്മഭൂഷൺ (1968) പദ്മവിഭൂഷൺ (1985)ബഹുമതി ഉൾപ്പെടെ നിരവധി പുരസ്​കാരങ്ങൾ നേടിയിട്ടുണ്ട്​.

Show Full Article
TAGS:mgk menon tifr 
News Summary - physicist and ex-ISRO chief Prof MGK Menon dies at 88
Next Story