നിങ്ങൾ ഹിന്ദുവോ മുസ്​ലിമോ? പാൻറഴിക്കാനും ശ്രമം; ഭീതി പങ്കുവെച്ച്​ മാധ്യമപ്രവർത്തകൻ

ന്യൂഡൽഹി: പൗരത്വ ഭേദഗതി നിയമത്തിനെതിരെ പ്രക്ഷോഭം നടത്തുന്നവർക്കെതിരെ വടക്കുകിഴക്കൻ ഡൽഹിയിൽ നടക്കുന്ന കലാ പത്തിലെ ഭീതിജനകമായ അനുഭവം പങ്കുവെച്ച്​​ ടൈംസ്​ ഓഫ്​ ഇന്ത്യയിലെ ഫോ​ട്ടോ ജേണലിസ്റ്റ് അനിന്ദ്യ ചദോപാധ്യായ്​ ​. തലസ്ഥാനത്ത്​ നിയമം കയ്യിലെടുത്ത ഒരുകൂട്ടം യുവാക്കൾ മതത്തി​​​​​​െൻറ പേര്​ പറഞ്ഞ്​ ചെയ്​തുകൂട്ടുന്ന പരാക്ര മങ്ങൾക്ക്​ മൗജ്​പുറിലെ മെട്രോ സ്​റ്റേഷനിലെത്തിയപ്പോഴാണ്​ അദ്ദേഹം സാക്ഷിയായത്​.

സ്​റ്റേഷനിൽ എത്തിയ ഉട നെ ഫോ​ട്ടോ ജേണലിസ്റ്റാണെന്ന്​ മനസിലാക്കിയ ഒരു ഹിന്ദുസേന പ്രവർത്തകൻ നെറ്റിയിൽ തിലകം ചാർത്തിത്തന്നുകൊണ്ട് ​ ‘ ഇത്​ നിങ്ങളുടെ ജോലി എളുപ്പമാക്കുമെന്ന്​ പറഞ്ഞു. ‘നിങ്ങളും ഒരു ഹിന്ദുവാണ്​ സഹോദരാ എന്തിനാണ്​ അപകടം ക്ഷണിച്ചുവരുത്തുന്നത്​​...? എന്നാണ്​ അയാൾ പറഞ്ഞത്​.

15 മിനിറ്റുകൾക്ക്​ ശേഷം ഇരു വിഭാഗവും തമ്മിൽ കല്ലേറ്​ തുടങ്ങി. ഒരു വശത്ത്​ ‘മോദി.. മോദി’ എന്ന മുദ്രാവാക്യമായിരുന്നു. പരിസരത്ത്​ കറുത്ത പുക ആകാശത്തേക്ക്​ പ്രവഹിക്കുന്നു. കത്തി നശിക്കുന്ന കെട്ടിടത്തിനടുത്തേക്ക്​ ഫോ​ട്ടോ എടുക്കാനായി പോവുകയായിരുന്ന എന്നെ, ശിവ മന്ദിരത്തിന്​ മുന്നിലുള്ള കുറച്ചുപേർ തടഞ്ഞുനിർത്തി. നിങ്ങളും ഒരു ഹിന്ദുവാണ്​.. എന്തിന്​ അങ്ങോ​ട്ട്​ പോകുന്നു​​..? ഹിന്ദു ഉണർന്നിരിക്കുന്ന സമയമാണിത്​. -അവരിൽ ഒരാൾ പറഞ്ഞു.

അനിന്ദ്യ പകർത്തിയ ചിത്രം

ബാരിക്കേഡുകൾ മറികടന്ന്​ ഫോ​ട്ടോയെടുക്കാൻ ചെന്ന എന്നെ മുളവടികളുമായെത്തിയ കുറച്ചാളുകൾ വളഞ്ഞു. എ​​​​​​െൻറ കാമറ തട്ടിപ്പറിക്കാനും അവർ ശ്രമിച്ചു. എന്നാൽ, കൂടെയുണ്ടായിരുന്ന റിപ്പോർട്ടർ സാക്ഷി ചന്ദ്​ അവർക്ക്​ മുന്നിലേക്ക്​ വന്ന്​ എന്നെ തൊട്ടുപോകരുതെന്ന്​ ഭീഷണിപ്പെടുത്തിയതോടെ അവർ പിൻവലിഞ്ഞെന്നും അനിന്ദ്യ പറഞ്ഞു.

ഭീകരത അവിടെയും അവസാനിച്ചില്ല... നേരത്തെ വളഞ്ഞ ആക്രമികൾ വീണ്ടും പിന്തുടരാൻ തുടങ്ങി. അവരിലൊരാൾ എന്നെ തടഞ്ഞുനിർത്തി, ‘നി​ങ്ങൾ അതിരുകടക്കുന്നു... ആരാണ്​ നീ.. ഹിന്ദുവോ അതോ മുസ്​ലിമോ എന്ന്​ പറഞ്ഞ്​ അയാളും സംഘവും എ​​​​​​െൻറ പാൻറ്​സ് അഴിക്കാൻ ശ്രമിച്ചു. എന്നാൽ, ‘ഞാൻ ഒരു ഫോ​ട്ടോഗ്രാഫറാണെന്ന്​ കൈകൂപ്പിക്കൊണ്ട്​ അപേക്ഷിച്ചു. അൽപനേരം കൂടി ഭീഷണിപ്പെടുത്തി അവർ എന്നെ വെറുതെ വിട്ടു -അദ്ദേഹം പറഞ്ഞു.

എങ്ങനെയെങ്കിലും സ്ഥലം കാലിയാക്കണമെന്ന വ്യഗ്രതയിൽ ഓഫീസ്​ വാഹനം തിരഞ്ഞെങ്കിലും എവിടെയും കണ്ടെത്താനായില്ല. ഒടുവിൽ ഒരു ഓ​ട്ടോറിക്ഷ പിടിച്ച്​ ഓഫീസിലേക്ക്​ പോവുകയായിരുന്നു. എന്നാൽ, ഓ​​ട്ടോയുടെ മുമ്പിൽ നൽകിയ പേര്​ കലാപകാരികളിൽ നിന്ന്​ വീണ്ടും അപകടം ക്ഷണിച്ചു വരുത്തുമെന്ന്​ എനിക്ക്​ തോന്നി.. വൈകാതെ അത്​ സംഭവിച്ചു...! നാല്​ പേർ ഞങ്ങളെ തടഞ്ഞുനിർത്തി. കോളറിൽ പിടിച്ചുവലിച്ച്​ എന്നെയും ഡ്രൈവറെയും പുറത്തിറക്കി. ഞാനൊരു മാധ്യമപ്രവർത്തകനാണെന്നും ഓ​ട്ടോറിക്ഷാ ഡ്രൈവർ നിരപരാധിയാണെന്നും പറഞ്ഞ്​ അപേക്ഷിച്ചതിനാലാണ്​ വെറുതെവിട്ടതെന്നും അദ്ദേഹം കൂ​ട്ടിച്ചേർത്തു. സംഭവ ശേഷം മതത്തി​​​​​​െൻറ പേരിൽ ജീവിതത്തിലാദ്യമായാണ്​ താൻ ഇത്രയും ഭീതികരമായ രീതിയിൽ ചോദ്യം ചെയ്യപ്പെട്ടതെന്ന്​ ഓ​ട്ടോ ഡ്രൈവർ പറഞ്ഞതായി അനിന്ദ്യ അനുഭവം പങ്കുവെക്കുന്നതിനിടെ പറഞ്ഞു.