ഒക്ടോബർ 13ലെ പെട്രോൾ പമ്പ് സമരം പിൻവലിച്ചു

ന്യൂഡൽഹി: ഒക്ടോബർ 13ന് പെട്രോൾ പമ്പ് ഉടമകൾ നടത്താനിരുന്ന സമരം പിൻവലിച്ചു. രാജ്യത്തെ 54,000 പമ്പുകൾ അടച്ചിടാനാണ് പെട്രോൾ വിൽപനക്കാരുടെ സംയുക്​ത സംഘടനയായ യുനൈറ്റഡ്​ പെട്രോളിയം ഫ്രണ്ട് കഴിഞ്ഞ ഏഴാം തീയതി തീരുമാനിച്ചിരുന്നത്. ഈ സമരമാണ് ഇപ്പോൾ പിൻവലിച്ചത്. 

എണ്ണക്കമ്പനികളുമായി ഒപ്പിട്ട കരാർ നടപ്പാക്കുക, വിപണി നിയന്ത്രണചട്ടത്തിനു കീഴിലുള്ള ന്യായരഹിത പിഴകൾ ഒഴിവാക്കുക തുടങ്ങിയ ആവശ്യങ്ങൾ ഉന്നയിച്ചായിരുന്നു പെട്രോൾ ഡീലേഴ്​സിന്‍റെ​ പ്രതിഷേധം. ആവശ്യങ്ങൾ അംഗീകരിച്ചില്ലെങ്കിൽ ഒക്​ടോബർ 27 മുതൽ ദേശീയതലത്തിൽ അനിശ്ചിതകാല സമരം നടത്താനും സംഘടന തീരുമാനിച്ചിരുന്നു. 

എണ്ണവില പ്രതിദിനം മാറുന്നതും പെട്രോളിയം ഉൽപന്നങ്ങളെ ജി.എസ്​.ടിക്ക്​ കീഴിൽ ഉൾപ്പെടുത്തിയതും ഉപഭോക്​താക്കൾക്കും കച്ചവടക്കാർക്കുമുണ്ടാക്കുന്ന നഷ്​ടത്തിലും യുനൈറ്റഡ്​ പെട്രോളിയം ഫ്രണ്ട് നേരത്തെ​ ആശങ്ക അറിയിച്ചിരുന്നു. 

Petrol pump dealers call off their October 13 strike

— ANI (@ANI) October 11, 2017