പെട്രോൾ, ഡീസൽ ചില്ലറ-മൊത്ത വിൽപന; ​500 കോടി ആസ്​തി നിർബന്ധം

ന്യൂ​ഡ​ൽ​ഹി: ഇ​ന്ധ​ന ചി​ല്ല​റ-​മൊ​ത്ത വി​ൽ​പ​ന രം​ഗ​ത്ത്​ എ​ണ്ണ​ക്ക​മ്പ​നി​ക​ൾ അ​ല്ലാ​ത്ത​വ​ർ​ക്കും അ​വ​സ​രം അ​നു​വ​ദി​ച്ച്​ കേ​ന്ദ്രം. 500 കോ​ടി രൂ​പ ആ​സ്​​തി​യു​ള്ള ഏ​തു ക​മ്പ​നി​ക്കും പെ​ട്രോ​ൾ, ഡീ​സ​ൽ ചി​ല്ല​റ വി​ൽ​പ​ന​ക്ക്​ ലൈ​സ​ൻ​സ്​ അ​നു​വ​ദി​ക്കു​മെ​ന്ന്​ കേ​ന്ദ്ര പെ​ട്രോ​ളി​യം, പ്ര​കൃ​തി​വാ​ത​ക മ​ന്ത്രാ​ല​യം വ്യ​ക്ത​മാ​ക്കി. ചി​ല്ല​റ വി​ൽ​പ​ന മാ​ത്ര​മെ​ങ്കി​ൽ 250 കോ​ടി​യും ചി​ല്ല​റ, മൊ​ത്ത വി​ൽ​പ​ന​ക​ളെ​ങ്കി​ൽ 500 കോ​ടി​യും ആ​സ്​​തി വേ​ണം.

ക​ഴി​ഞ്ഞ വ​ർ​ഷ​മാ​ണ്​ എ​ണ്ണ​ക്ക​മ്പ​നി​ക​ൾ അ​ല്ലാ​ത്ത​വ​ക്കും അ​വ​സ​രം ന​ൽ​കാ​ൻ നേ​ര​ത്തേ​യു​ള്ള നി​ബ​ന്ധ​ന​ക​ളി​ൽ ഇ​ള​വ്​ അ​നു​വ​ദി​ക്കാ​ൻ കേ​ന്ദ്രം തീ​രു​മാ​നി​ച്ച​ത്. അ​തു​വ​രെ​യും പ​ര്യ​വേ​ക്ഷ​ണം, ഉ​ൽ​പാ​ദ​നം, സം​സ്​​ക​ര​ണം, പൈ​പ്​​ലൈ​ൻ തു​ട​ങ്ങി വി​വി​ധ മേ​ഖ​ല​ക​ളി​ലാ​യി ചു​രു​ങ്ങി​യ​ത്​ 2000 കോ​ടി നി​ക്ഷേ​മു​ള്ള ക​മ്പ​നി​ക​ൾ​ക്ക്​ മാ​ത്ര​മാ​യി​രു​ന്നു ചി​ല്ല​റ വി​ൽ​പ​ന ലൈ​സ​ൻ​സ്​ അ​നു​വ​ദി​ച്ച​ത്.

വി​ദേ​ശ ക​മ്പ​നി​ക​ൾ ഉ​ൾ​പ്പെ​ടെ സ്വ​കാ​ര്യ ​മേ​ഖ​ല​ക്ക്​ ഈ ​മേ​ഖ​ല​യി​ൽ ചു​വ​ടു​റ​പ്പി​ക്കാ​ൻ പു​തി​യ നീ​ക്കം വ​ഴി​വെ​ക്കും. ഫ്ര​ഞ്ച്​ ക​മ്പ​നി​യാ​യ ടോ​ട്ട​ൽ എ​സ്.​എ, സൗ​ദി അ​രാം​കോ, യു.​കെ​യി​ലെ ബ്രി​ട്ടീ​ഷ്​ പെ​ട്രോ​ളി​യം തു​ട​ങ്ങി​യ​വ നേ​ര​ത്തേ താ​ൽ​പ​ര്യം പ്ര​ക​ടി​പ്പി​ച്ച​വ​യാ​ണ്. ടോ​ട്ട​ൽ അ​ദാ​നി​യു​മാ​യി സ​ഹ​ക​രി​ച്ച്​ 2018ൽ ​ലൈ​സ​ൻ​സി​ന്​ അ​പേ​ക്ഷ ന​ൽ​കി​യി​ട്ടു​ണ്ട്. 1500 പ​മ്പു​ക​ളാ​ണ്​ ഇ​വ ല​ക്ഷ്യ​മി​ടു​ന്ന​ത്. പ്യൂ​മ എ​ന​ർ​ജി​യും അ​പേ​ക്ഷ ന​ൽ​കി​യി​ട്ടു​ണ്ട്. അ​രാം​കോ ച​ർ​ച്ച​ക​ൾ തു​ട​രു​ക​യാ​ണ്.

ലൈ​സ​ൻ​സ്​ ല​ഭി​ക്കു​ന്ന ക​മ്പ​നി​ക​ൾ അ​ഞ്ചു വ​ർ​ഷ​ത്തി​നി​ടെ മൊ​ത്തം ചി​ല്ല​റ വി​ൽ​പ​ന​ശാ​ല​ക​ളു​ടെ അ​ഞ്ചു ശ​ത​മാ​നം ഗ്രാ​മ​ങ്ങ​ളി​ൽ തു​ട​ങ്ങു​ക, ബ​ദ​ൽ ഊ​ർ​ജ സ്രോ​ത​സ്സു​ക​ൾ​ക്ക്​ പ്രാ​മു​ഖ്യം ന​ൽ​കു​ക തു​ട​ങ്ങി​യ നി​ബ​ന്ധ​ന​ക​ൾ പാ​ലി​ക്ക​ണം. ഇ​ന്ത്യ​ൻ ഓ​യി​ൽ കോ​ർ​പ​റേ​ഷ​ൻ (ഐ.​ഒ.​സി), ഭാ​ര​ത്​ പെ​ട്രോ​ളി​യം (ബി.​പി.​സി.​എ​ൽ), ഹി​ന്ദു​സ്​​ഥാ​ൻ പെ​ട്രോ​ളി​യം (എ​ച്ച്.​പി.​സി.​എ​ൽ) എ​ന്നി​വ​യാ​ണ്​ നി​ല​വി​ൽ ഇ​ന്ത്യ​യി​ൽ കൂ​ടു​ത​ൽ പ​മ്പു​ക​ൾ ന​ട​ത്തു​ന്ന​ത്. രാ​ജ്യ​ത്ത്​ 69,924 പെ​ട്രോ​ൾ പ​മ്പു​ക​ളാ​ണ്​ നി​ല​വി​ലു​ള്ള​ത്. റി​ല​യ​ൻ​സ്, എ​സ്സാ​ർ, റോ​യ​ൽ ഡ​ച്ച്​ ഷെ​ൽ എ​ന്നി​വ​ക്കും പ​മ്പു​ക​ളു​ണ്ട്.