പെട്രോൾ, ഡീസൽ വില ഇന്ന്​ കൂടിയില്ല

ന്യൂഡൽഹി: രാജ്യത്ത്​ പെട്രോൾ, ഡീസൽ വില ചൊവ്വാഴ്ച കൂടിയില്ല. രണ്ടു ദിവസത്തെ തുടർച്ചയായ ഉയർച്ചയോടെ ഇന്ധനവില റെക്കോർഡ്​ നിരക്കിൽ എത്തിയിരുന്നു.

ഡൽഹിയിൽ പെട്രോൾ ലിറ്ററിന്​ 95.31 രൂപയും മുംബൈയിൽ 101.52 രൂപയുമായിരുന്നു. ആറുസംസ്​ഥാനങ്ങളിലാണ്​ പെ​േ​​ട്രാൾ വില നൂറുകടന്നത്​. രാജസ്​ഥാൻ, മധ്യപ്രദേശ്​, മഹാരാഷ്​ട്ര, ആന്ധ്രപ്രദേശ്​, തെലങ്കാന, ലഡാക്ക്​ എന്നിവിടങ്ങളിലാണ്​ പെട്രോൾ വില സെഞ്ച്വറിയടിച്ചത്​. അതേസമയം പ്രീമിയം പെട്രോളിന്​ കേരളത്തിലടക്കം നൂറ​ുരൂപ കടന്നിരുന്നു.

രാജസ്​ഥാനിലെ ​ശ്രീ ഗംഗാനഗർ ജില്ലയിലാണ്​ രാജ്യത്തെ ഏറ്റവും ഉയർന്ന പെട്രോൾ വില. 106.39 രൂപയാണ്​ ഇവിടെ പെട്രോൾ ലിറ്ററിന്​. ഡീസൽ വില ലിറ്ററിന്​ 99.24 തൊടുകയും ചെയ്​തു.

ആഗോള തലത്തിൽ അസംസ്​കൃത എണ്ണവിലയിലുണ്ടായ കുതിപ്പാണ്​ രാജ്യത്ത്​ എണ്ണവില വർധിക്കാൻ കാരണമെന്നായിരുന്നു​ കേന്ദ്ര പെട്രോളിയം ആൻഡ്​ നാച്ചുറൽ ഗ്യാസ്​ മന്ത്രി ധർമേന്ദ്ര പ്രധാന്‍റെ പ്രതികരണം.