പെട്രോൾ, ഡീസൽ ജി.എസ്​.ടിയിൽ: ഹരജി നവംബർ നാലിന്​ പരിഗണിക്കും

കൊച്ചി: പെട്രോൾ, ഡീസൽ തുടങ്ങിയ ഇന്ധനങ്ങൾക്ക് ജി.എസ്.ടി ഏർപ്പെടുത്തണമെന്ന്​ ആവശ്യപ്പെടുന്ന പൊതുതാൽപര്യഹരജി നവംബർ നാലിന്​ പരിഗണിക്കാൻ ഹൈകോടതി മാറ്റി. വില നിയന്ത്രിക്കാൻ ഇവയെ ജി.എസ്.ടിയിൽ ഉൾപ്പെടുത്തേണ്ടത് അനിവാര്യമാണെന്ന് ചൂണ്ടിക്കാട്ടി കേരള പ്രദേശ് ഗാന്ധിദർശൻ വേദി നൽകിയ ഹരജിയാണ്​ ജസ്​റ്റിസ്​ കെ. വിനോദ്​ ചന്ദ്രൻ, ജസ്​റ്റിസ്​ സി. ജയചന്ദ്രൻ എന്നിവരടങ്ങുന്ന ഡിവിഷൻ ബെഞ്ച്​ പരിഗണിച്ചത്​.

നേര​േത്ത ഇൗ ആവശ്യമുന്നയിച്ച് ഹരജിക്കാർ ഹൈകോടതിയെ സമീപിച്ചപ്പോൾ നിവേദനം പരിഗണിച്ച് ആറാഴ്ചക്കകം തീരുമാനമെടുക്കാൻ നിർദേശിച്ചിരുന്നു. എന്നാൽ, ഇവയെ ജി.എസ്​.ടിയിൽ ഉൾപ്പെടുത്തേണ്ടെന്നാണ് ജി.എസ്.ടി കൗൺസിൽ തീരുമാനിച്ചതെന്ന്​ ഹരജിയിൽ ചൂണ്ടിക്കാട്ടുന്നു