പ്രിയ വർഗീസിന്റെ നിയമനത്തിനെതിരായ ഹരജികൾ നാലാഴ്ച കഴിഞ്ഞ് പരിഗണിക്കും

ന്യൂ​ഡ​ല്‍ഹി: ക​ണ്ണൂ​ര്‍ സ​ര്‍വ​ക​ലാ​ശാ​ല​യി​ലെ അ​സോ​സി​യേ​റ്റ് പ്ര​ഫ​സ​ര്‍ ത​സ്തി​ക​യി​ല്‍ പ്രി​യ വ​ര്‍ഗീ​സി​ന്റെ നി​യ​മ​നം ശ​രി​വെ​ച്ച ഹൈ​കോ​ട​തി വി​ധി​ക്കെ​തി​രാ​യ ഹ​ര​ജി​ക​ൾ പ​രി​ഗ​ണി​ക്കു​ന്ന​ത് സു​പ്രീം​കോ​ട​തി നാ​ലാ​ഴ്ച​ത്തേ​ക്കു മാ​റ്റി. ഹ​ര​ജി​ക്കാ​രു​ടെ സ​ത്യ​വാ​ങ്മൂ​ല​ത്തി​ന് മ​റു​പ​ടി ന​ല്‍കാ​ന്‍ പ്രി​യ വ​ര്‍ഗീ​സി​നും പ്രി​യ​യു​ടെ സ​ത്യ​വാ​ങ്മൂ​ല​ത്തി​ന് മ​റു​പ​ടി ന​ല്‍കാ​ന്‍ ക​ക്ഷി​ക​ൾ​ക്കും ര​ണ്ടാ​ഴ്ച വീ​തം അ​നു​വ​ദി​ച്ചാ​ണ് കേ​സ് പ​രി​ഗ​ണി​ക്കു​ന്ന​ത് നാ​ലാ​ഴ്ച​​ത്തേ​ക്കു മാ​റ്റി​യ​ത്. കേ​സു​മാ​യി ബ​ന്ധ​പ്പെ​ട്ട രേ​ഖ​ക​ള്‍ ത​ങ്ങ​ള്‍ ക​ണ്ട​തി​നാ​ൽ ഹ​ര​ജി​ക​ളി​ൽ വി​ശ​ദ​വാ​ദം ആ​വ​ശ്യ​മി​ല്ലെ​ന്നും ജ​സ്റ്റി​സ് ജെ.​കെ. മ​ഹേ​ശ്വ​രി അ​ധ്യ​ക്ഷ​നാ​യ ബെ​ഞ്ച് അ​ഭി​പ്രാ​യ​പ്പെ​ട്ടു.

വി​ശ​ദ​മാ​യി വാ​ദം​കേ​ള്‍ക്കാ​വു​ന്ന ത​ര​ത്തി​ൽ നാ​ലാ​ഴ്ച ക​ഴി​ഞ്ഞ് ഹ​ര​ജി​ക​ൾ പ​രി​ഗ​ണി​ക്ക​ണ​മെ​ന്ന് അ​ഭി​ഭാ​ഷ​ക​ൻ ആ​വ​ശ്യ​പ്പെ​ട്ട​പ്പോ​ൾ വി​ശ​ദ വാ​ദം ആ​വ​ശ്യ​മി​ല്ലെ​ന്നും കേ​ട്ടു തീ​ര്‍പ്പാ​ക്കാ​മെ​ന്നും ജ​സ്റ്റി​സ് മ​ഹേ​ശ്വ​രി മ​റു​പ​ടി ന​ൽ​കി.

മു​തി​ര്‍ന്ന അ​ഭി​ഭാ​ഷ​ക​ന്‍ നി​ധീ​ഷ് ഗു​പ്ത, അ​ഭി​ഭാ​ഷ​ക​രാ​യ കെ.​ആ​ര്‍. സു​ഭാ​ഷ് ച​ന്ദ്ര​ന്‍, ബി​ജു പി. ​രാ​മ​ന്‍ എ​ന്നി​വ​ര്‍ പ്രി​യ വ​ര്‍ഗീ​സി​നും അ​ഡീ​ഷ​ന​ല്‍ സോ​ളി​സി​റ്റ​ര്‍ ജ​ന​റ​ല്‍ കെ.​എം. ന​ട​രാ​ജ് യു.​ജി.​സി​ക്കും മു​തി​ര്‍ന്ന അ​ഭി​ഭാ​ഷ​ക​ന്‍ ജ​യ്ദീ​പ് ഗു​പ്ത, സ്റ്റാ​ന്‍ഡി​ങ് കോ​ണ്‍സ​ല്‍ സി.​കെ. ശ​ശി എ​ന്നി​വ​ര്‍ സം​സ്ഥാ​ന സ​ര്‍ക്കാ​റി​നും​വേ​ണ്ടി ഹാ​ജ​രാ​യി.