സൈനികരുടെ ഭക്ഷണം കരിഞ്ചന്തയിൽ മറിച്ച്​ വിൽക്കുന്നതായി ആരോപണം

ശ്രീനഗർ: സൈനികർക്ക്​ സൗജന്യമായി ലഭിക്കേണ്ട ഭക്ഷണ സാധനങ്ങൾ ഉന്നത ഉദ്യോഗസ്​ഥർ കരിഞ്ചന്തയിൽ മറിച്ചു വിൽക്കുന്നതായി ആരോപണം. കശ്​മീ​രിലെ ഹുംഹാമയിൽ അതിർത്തി രക്ഷാസേന (ബി.എസ്​.എഫ്​)യുടെ ആസ്​ഥാന ഒഫീസിന്​ സമീപത്തെ നാട്ടുകാരാണ്​ ഇക്കാര്യം ഒരു​ ദേശീയ മാധ്യമത്തോട്​ വെളിപ്പെടുത്തിയത്​.

ഭക്ഷണ സാധനങ്ങളും പച്ചക്കറികളും ഡീസലും പെട്രോളും ​ക്യാമ്പിന്​ പുറത്ത്​ പകുതി വിലക്ക്​ വിൽക്കുന്നതായി പ്രദേശവാസികളും ഒരു ജവാനും വെളിപ്പെടുത്തി. സൈനിക ഉദ്യോഗസ്​ഥരിൽ നിന്ന്​ ഡീസൽ പകുതിവിലക്കും അരിയും മസാലകൾ പോലെയുള്ളവ തുച്ഛമായ വിലക്കും ലഭിക്കാറുള്ളതായി മറ്റൊരു കച്ചവടക്കാരനും വ്യക്​തമാക്കി.

കഴിഞ്ഞ ദിവസം നാലു മിനിറ്റ്​ ദൈർഘ്യമുള്ള വിഡിയോയിലൂടെ അതിർത്തിയിൽ കാവൽ നിൽക്കുന്ന തങ്ങൾക്ക്​ മൂന്ന്​ നേരത്തെ ഭക്ഷണംപോലും ലഭിക്കുന്നില്ലെന്നും​ രാത്രിയില്‍ ഒഴിഞ്ഞ വയറോടെയാണ് ഉറങ്ങാന്‍ പോകുന്നതെന്നും  സൈനിക​ൻ വെളിപ്പെടുത്തിയിരുന്നു. സംഭവം ദേശീയ തലത്തിൽ വലിയ ചർച്ചക്ക്​ വഴിവെച്ചിരുന്നു.