ക്ഷേത്രത്തിലെ പ്രസാദം കഴിച്ച ഭക്തര്‍ അവശരായി; ഭക്ഷ്യവിഷബാധയെന്ന്​ സംശയം

ജയ്പൂര്‍ : മഹാശിവരാത്രിയോട് അനുബന്ധിച്ച് ക്ഷേത്രത്തില്‍ വിതരണം ചെയ്ത പ്രസാദം കഴിച്ച ഭക്തര്‍ അവശരായി. രാജസ്​ഥാനിലെ ദുംഗാർപൂർ ജില്ലയിലെ ആസ്​പുർ ഗ്രാമത്തിലാണ്​ സംഭവം. 70 ഓളം പേര്‍ക്കാണ് ദേഹാസ്വാസ്ഥ്യം അനുഭവപ്പെട്ടത്. ഈ സംഖ്യ ഇനിയും ഉയരാമെന്ന്​ ആസ്​പൂരിലെ ചീഫ്​ മെഡിക്കൽ ഒാഫീസർ അറിയിച്ചു.

ഭക്ഷ്യവിഷബാധയുണ്ടായെന്നാണ്​ കരുതുന്നതെന്ന്​ ചീഫ് മെഡിക്കല്‍ ഓഫീസര്‍ പറഞ്ഞു.

അവശരായവരെ ആശുപത്രികളിലേക്ക് മാറ്റി. പ്രസാദത്തിന്‍റെ സാമ്പിളും ​േ​രാഗികളിൽ നിന്ന്​ ശേഖരിച്ച സ്രവങ്ങളും വിശദ പരിശോധനയ്ക്കായി അയച്ചിട്ടുണ്ടെന്നും ചീഫ് മെഡിക്കല്‍ ഓഫീസര്‍ അറിയിച്ചു.