വിദേശത്ത് മരിക്കുന്ന പ്രവാസി തമിഴരുടെ കുടുംബങ്ങൾക്ക് പെൻഷൻ –സ്റ്റാലിൻ

ചെന്നൈ: വിദേശത്ത് ജോലി ചെയ്യുന്നതിനിടെ മരിക്കുന്ന തമിഴരുടെ കുടുംബങ്ങൾക്ക് പ്രതിമാസ പെൻഷൻ പദ്ധതി നടപ്പാക്കുമെന്ന് തമിഴ്നാട് മുഖ്യമന്ത്രി എം.കെ. സ്റ്റാലിൻ.

വ്യാഴാഴ്ച ചെന്നൈ കലൈവാണർ അരങ്കത്തിൽ സംഘടിപ്പിച്ച ‘പ്രവാസി തമിഴ്ദിനം-2023’ ഉദ്ഘാടനം ചെയ്യവെയാണ് പ്രഖ്യാപനം. പ്രതി വർഷം 200 പ്രവാസികളായ തമിഴ് വിദ്യാർഥികളെ തിരഞ്ഞെടുത്ത് തമിഴ്‌നാട്ടിലെത്തിച്ച് സാംസ്‌കാരിക വിനോദസഞ്ചാരം സംഘടിപ്പിക്കുമെന്നും ഇതിലൂടെ തമിഴ്നാട്ടിലെ അവരുടെ കുടുംബങ്ങളുമായി ബന്ധം പുതുക്കുന്നതിന് സാഹചര്യമൊരുക്കുമെന്നും അദ്ദേഹം പറഞ്ഞു.