പെ​ഹ്​​ലു​ഖാ​നെ ത​ല്ലി​ക്കൊ​ന്ന കേ​സ് പുനരന്വേഷിക്കാൻ ഉത്തരവ്

ജയ്പൂർ: കാ​ലി​ക്ക​ട​ത്ത്​ ആ​രോ​പി​ച്ച്​ മേ​വാ​ത്തി​ലെ ക്ഷീ​ര​ക​ർ​ഷ​ക​നാ​യ പെ​ഹ്​​ലു​ഖാ​നെ ത​ല്ലി​ക്കൊ ​ന്ന കേ​സ് പുനരന്വേഷിക്കാൻ ഉത്തരവ്. രാജസ്ഥാൻ മുഖ്യമന്ത്രി അശോക് ഗെഹ് ലോട്ടാണ് പുനരന്വേഷണത്തിന് ഉത്തരവിട്ടത്. ആ​റു പ്രതികളെ വെ​റു​തെവി​ട്ട അ​ൾ​വാ​ർ അ​ഡീ​ഷ​ന​ൽ ജി​ല്ല കോ​ട​തി വി​ധി​ക്കെ​തി​രെ ഹൈ​കോ​ട​തി​യിൽ അപ്പീൽ ന ൽകാൻ​ രാ​ജ​സ്​​ഥാൻ സർക്കാർ തീരുമാനിച്ചിട്ടുണ്ട്. ഇതിന് പിന്നാലെയാണ് സംസ്ഥാന ഭരിക്കുന്ന കോൺഗ്രസ് സർക്കാർ പുന രന്വേഷണത്തിന് ഉത്തരവിറക്കിയത്.

പെ​ഹ്​​ലു​ഖാ​നെ ത​ല്ലി​ക്കൊ​ന്ന കേ​സി​ൽ കുറ്റാരോ​പി​ത​രാ​യ ആ​റു​പേ​രെ​യും രാ​ജ​സ്​​ഥാ​നി​ലെ അ​ൾ​വാ​ർ അ​ഡീ​ഷ​ന​ൽ ജി​ല്ല കോ​ട​തി കഴിഞ്ഞ ദിവസം വെ​റു​തെവി​ട്ടിരുന്നു. സം​ശ​യ​ത്തിന്‍റെ ആ​നു​കൂ​ല്യ​ത്തി​ൽ പ്ര​തി​ക​ളെ വി​ട്ട​യ​ച്ച കോ​ട​തി, പെ​ഹ്​​ലു​ഖാ​നെ ആ​ൾ​ക്കൂ​ട്ടം ആ​ക്ര​മി​ക്കു​ന്ന വി​ഡി​യോ തെ​ളി​വാ​യി സ്വീ​ക​രി​ക്കാ​നാ​വി​ല്ലെ​ന്ന്​ വ്യ​ക്​​ത​മാ​ക്കിയിരുന്നു.

2017 ഏ​പ്രി​ൽ ഒ​ന്നി​നാ​യി​രു​ന്നു രാ​ജ​സ്ഥാ​നി​ല്‍നി​ന്ന് ഹ​രി​യാ​ന​യി​ലേ​ക്ക് പ​ശു​ക്ക​ളെ​യും കൊ​ണ്ടു​ പോ​വു​ക​യാ​യി​രു​ന്ന 55കാ​ര​നാ​യ ഖാ​നും മ​ക്ക​ളു​മു​ള്‍പ്പെ​ടു​ന്ന സം​ഘ​ത്തെ ഗോ​ര​ക്ഷ​ക ഗു​ണ്ട​ക​ൾ ആ​ക്ര​മി​ച്ച​ത്. രാ​ജ​സ്ഥാ​നി​ലെ ജ​യ്പു​രി​ന​ടു​ത്ത കാ​ലി​ച്ച​ന്ത​യി​ൽ​നി​ന്ന് പ​ശു​വി​നെ​യും കി​ടാ​ങ്ങ​ളെ​യും വി​ല​കൊ​ടു​ത്ത് വാ​ങ്ങി​യ ര​സീ​ത്​ കാ​ണി​ച്ചി​ട്ടും ആ​ക്ര​മ​ണം തു​ട​ർ​ന്നു. മ​ർ​ദ​ന​മേ​ൽ​ക്കു​േ​മ്പാ​ൾ കൂ​ടെ ഉ​ണ്ടാ​യി​രു​ന്ന ര​ണ്ട്​ മ​ക്ക​ള​ട​ക്കം 40 സാ​ക്ഷി​ക​ളു​ണ്ട്. പ്രാ​യ​പൂ​ർ​ത്തി​യാ​കാ​ത്ത ര​ണ്ടു പേ​രു​ൾ​പ്പെ​ടെ ഒമ്പത്​​ കു​റ്റാ​രോ​പി​ത​ർ ഉ​ണ്ടാ​യി​രു​ന്നു. വി​ചാ​ര​ണ​ക്കി​ടെ ഒ​രാ​ൾ മ​രി​ച്ചു.

പശുക്കളെ വാങ്ങിയതാണെന്ന് തെളിയിക്കാൻ വ്യക്തമായ രേഖകൾ ഇവരുടെ പക്കലില്ലെന്നും അനധികൃത പശുക്കടത്താണെന്നും ആരോപിച്ചാണ് വിശ്വഹിന്ദു പരിഷത്ത്, ബജരംഗ് ദൾ സംഘടനകളുടെ കീഴിലുള്ള ഗോ രക്ഷകർ രംഗത്തെത്തിയത്.

കാ​ലി​ക്ക​ട​ത്ത്​ ആ​രോ​പി​ച്ച്​ പെ​ഹ്​​ലു​ഖാ​നെ തല്ലിക്കൊന്ന കേസിൽ പ്രതികളെ വെറുതെവിട്ട കോടതി നടപടിക്കെതിരെ എ.ഐ.സി.സി ജനറൽ സെക്രട്ടറി പ്രിയങ്ക ഗാന്ധി രംഗത്തെത്തിയിരുന്നു. പ്രതികളെ വെറുതെവിട്ട കോടതി നടപടി അമ്പരിപ്പിക്കുന്നതാണെന്ന് പ്രിയങ്ക ട്വീറ്റ് ചെയ്തു.

കീഴ്കോടതി നടപടി അമ്പരിപ്പിക്കുന്നതാണ്. മനുഷ്യത്വമില്ലായ്മക്ക് നമ്മുടെ രാജ്യത്ത് ഒരു സ്ഥാനവുമില്ല. ആൾക്കൂട്ട കൊലപാതകം നീചകൃത്യമാണെന്നും -പ്രിയങ്ക പറഞ്ഞു.