ഡോ. പായലിൻെറ ആത്മഹത്യ കേസ്​ ക്രൈംബ്രാഞ്ചിന്​ ​ കൈമാറി; കൊലപാതകമെന്ന്​ അഭിഭാഷകൻ

മുംബൈ: സീനിയർ ഡോക്​ടർമാരുടെ ജാതി പീഡനത്തെ തുടർന്ന്​ തഡ്​വി ഗോത്ര സമൂഹത്തിലെ പി.ജി മെഡിക്കൽ വിദ്യാർഥിനി ഡേ ാ. പായൽ തഡ്​വി ആത്മഹത്യ ചെയ്ത കേസിൽ അന്വേഷണം മുംബൈ ക്രൈംബ്രാഞ്ചിന്​ കൈമാറി. ജാതിയുടെ പേരിൽ ഒന്നര വർഷത്തോളമായി പെൺകുട്ടി കൊടിയ പീഡനത്തിന്​ ഇരയായെന്ന റാഗിങ്​ വിരുദ്ധ സമിതിയുടെ റിപ്പോർട്ടും വിവിധ സംഘടനകളുടെ സമ്മർദവും തുടർന്നാണ്​ കേസ്​ അന്വേഷണം കൈമാറിയത്​.

ഇതിനിടയിൽ പോസ്​റ്റ്​മോർട്ടം റിപ്പോർട്ട്​ ചൂണ്ടിക്കാട്ടി പായലി​േൻറത്​ ആത്​മഹത്യ അല്ലെന്നും കൊലപാതകമാണെന്നും പായലി‍​െൻറ മാതാവ്​ ആബിദ സലിം തഡ്​വിയുടെ അഭിഭാഷകൻ ആരോപിച്ചു. കഴുത്തിലെ മുറിവാണ്​ കാലപാതകമാണെന്ന്​ സംശയിക്കാൻ കാരണമായി അഭിഭാഷകൻ ചൂണ്ടിക്കാട്ടിയത്​. കേസ്​ കൊലപാതകമായി പരിഗണിക്കണമെന്നും അഭിഭാഷകൻ കോടതിയിൽ ആവശ്യപ്പെട്ടു. 2018 നവംബർ മുതൽ പായൽ കൊടിയ പീഡനത്തിന്​ ഇരയായതായാണ്​ റിപ്പോർട്ട്​. ഗോത്ര വർഗത്തിൽനിന്നുള്ളവർക്കായുള്ള സംവരണത്തിലൂടെയാണ്​ ബിരുദാനന്തര ബിരുദ പഠനത്തിന്​​ മുംബൈയിലെ നായർ ഹോസ്​പിറ്റലിൽ പായലിന്​ പ്രവേശനം ലഭിച്ചത്​.

ജാതി പറഞ്ഞ്​ രോഗികൾക്കും മറ്റ്​ ഡോക്​ടർമാർക്കും മുന്നിൽ വെച്ച്​ സീനിയർ ഡോക്​ടർമാരായ ഹേമ അഹൂജ, അങ്കിത ഖണ്ഡേൽവാൽ, ഭക്തി മെഹറെ എന്നിവർ നിരന്തരം പായലിനെ പീഡിപ്പിച്ചു. സഹപാഠികൾ പഠനത്തിൽ മു​േന്നറിയപ്പോൾ മൂവരും ചേർന്ന്​ തന്നെ മനഃപൂർവം പിന്നിലാക്കിയതായി പായൽ മാതാവിനോട്​ പരാതി പറഞ്ഞിരുന്നു. പഠനം പാതി വഴിയിൽ ഉപേക്ഷിക്കാൻ തീരുമാനിച്ച പായൽ സംവരണ സീറ്റ്​ ഉപേക്ഷിക്കുന്നതിനു നൽകേണ്ട 20 ലക്ഷം രൂപ ഒരുക്കിവെക്കാൻ മാതാവിനോട്​ പറഞ്ഞിരുന്നു. അറസ്​റ്റിലായ മൂന്ന്​ സീനിയർ ഡോക്​ടർമാർ ​െപാലീസ്​ കസ്​റ്റഡിയിലാണ്​.