പവാർ കുടുംബത്തിന്റെ ചരിത്രത്തിലാദ്യമായി രണ്ട് ദീപാവലി ആഘോഷം

മും​ബൈ: പ​വാ​ർ കു​ടും​ബ​ത്തി​ന്റെ ച​രി​ത്ര​ത്തി​ലാ​ദ്യ​മാ​യി ര​ണ്ട്​ ദീ​പാ​വ​ലി ആ​ഘോ​ഷം നടന്നു. കു​ടും​ബ കാ​ര​ണ​വ​രോ​ടൊ​പ്പം മ​റ്റെ​ല്ലാ കു​ടും​ബാം​ഗ​ങ്ങ​ളും ദീ​പാ​വ​ലി ആ​ഘോ​ഷി​ക്കു​ന്ന​താ​ണ്​ പ​തി​വ്. ശ​ര​ദ്​ പ​വാ​റി​ന്റെ ഗോ​വി​ന്ദ്ബാ​ഗി​ലെ വീ​ട്ടി​ലാ​ണ്​ അ​ത്. എ​ന്നാ​ൽ, ഇ​ത്ത​വ​ണ അ​ജി​ത്​ പ​വാ​റും കു​ടും​ബ​വും ഗോ​വി​ന്ദ്​​ബാ​ഗി​ൽ ആ​ഘോ​ഷ​ത്തി​ന്​ ചെ​ന്നി​ല്ല. പ​ക​രം പ​വാ​റി​ന്റെ ത​റ​വാ​ട്​ ഗ്രാ​മ​മാ​യ കാ​ടെ​വാ​ടി​യി​ലാ​ണ്​ അ​ജി​ത്​ ‘ദീ​പാ​വ​ലി മി​ല​ൻ’ സം​ഘ​ടി​പ്പി​ച്ച​ത്. അ​ജി​ത്​ എ​ൻ.​സി.​പി പി​ള​ർ​ത്തി ബി.​ജെ.​പി പാ​ള​യ​ത്തേ​ക്ക്​ പോ​യ​തി​ന്​ തൊ​ട്ടു​പി​ന്നാ​ലെ വ​ന്ന 2023ലെ ​ദീ​പാ​വ​ലി ആ​ഘോ​ഷം പ​വാ​റു​മാ​യി ഒ​ന്നി​ച്ചാ​യി​രു​ന്നു.

ഇ​തു​വ​രെ പ​വാ​റി​നൊ​പ്പ​മാ​ണ്​ ദീ​പാ​വ​ലി ആ​ഘോ​ഷി​ച്ച​തെ​ന്നും ഇ​ത്ത​വ​ണ എ​ന്താ​കു​മെ​ന്ന്​ നോ​ക്കാ​മെ​ന്നും ക​ഴി​ഞ്ഞ ദി​വ​സം ഒ​രു ചാ​ന​ൽ പ​രി​പാ​ടി​യി​ൽ അ​ജി​ത്​ പ​റ​ഞ്ഞി​രു​ന്നു. രാ​ഷ്ട്രീ​യ​ത്തി​ലെ പോ​ര്​ കു​ടും​ബ​ത്തെ​യും ബാ​ധി​ച്ച​താ​യാ​ണ്​ വി​ല​യി​രു​ത്ത​ൽ.

എ​ന്നാ​ൽ, നി​ല​വി​ലെ രാ​ഷ്ട്രീ​യ സാ​ഹ​ച​ര്യ​വും തെ​ര​ഞ്ഞെ​ടു​പ്പ്​ പ​ശ്ചാ​ത്ത​ല​വും കാ​ര​ണ​മാ​ണ്​ വേ​റെ ദീ​പാ​വ​ലി ആ​ഘോ​ഷി​ക്കു​ന്ന​തെ​ന്ന്​ അ​ജി​ത്​ പ​വാ​റി​ന്റെ മ​ക​ൻ പാ​ർ​ഥ പ​വാ​ർ പ​റ​ഞ്ഞു. അ​ണി​ക​ൾ ആ​വ​ശ്യ​പ്പെ​ട്ടി​ട്ടാ​ണ്​ ഇ​തെ​ന്നും അ​ടു​ത്ത​വ​ർ​ഷം കു​ടും​ബ പാ​ര​മ്പ​ര്യം അ​നു​സ​രി​ച്ചു​ത​ന്നെ ന​ട​ക്കു​മെ​ന്നും പാ​ർ​ഥ കൂ​ട്ടി​ച്ചേ​ർ​ത്തു. ക​ഴി​ഞ്ഞ ലോ​ക്​​സ​ഭ തെ​ര​ഞ്ഞെ​ടു​പ്പി​ൽ ബ​രാ​മ​തി​യി​ൽ പ​വാ​റി​ന്റെ മ​ക​ൾ സു​പ്രി​യ​ക്ക്​ എ​തി​രെ അ​ജി​ത്​ ഭാ​ര്യ സു​നേ​ത്ര​യെ മ​ത്സ​രി​പ്പി​ച്ചി​രു​ന്നു.

ഒ​ന്ന​ര ല​ക്ഷ​ത്തി​ലേ​റെ വോ​ട്ടി​ന്​ സു​പ്രി​യ​യാ​ണ്​ ജ​യി​ച്ച​ത്. വ​രു​ന്ന നി​യ​മ​സ​ഭ തെ​ര​ഞ്ഞെ​ടു​പ്പി​ൽ ബ​രാ​മ​തി​യി​ൽ അ​ജി​ത്​ പ​വാ​റി​ന്​ എ​തി​രെ അ​ദ്ദേ​ഹ​ത്തി​ന്റെ ജ്യേ​ഷ്ഠ​ന്റെ മ​ക​ൻ യു​ഗേ​ന്ദ്ര പ​വാ​റി​നെ​യാ​ണ്​ ശ​ര​ദ്​ പ​വാ​ർ സ്ഥാ​നാ​ർ​ഥി​യാ​ക്കി​യ​ത്.

ഇ​തോ​ടെ, പ​വാ​റാ​ണ്​ കു​ടും​ബ​ത്തി​ൽ വി​ള്ള​ലു​ണ്ടാ​ക്കു​ന്ന​തെ​ന്ന്​ അ​ജി​ത്​ ആ​രോ​പി​ക്കു​ക​യും ചെ​യ്തു. ഇ​രു​കൂ​ട്ട​രും വി​ട്ടു​വീ​ഴ്ച​യി​ല്ലാ​തെ തെ​ര​ഞ്ഞെ​ടു​പ്പി​ൽ പോ​രാ​ടു​ക​യാ​ണ്. പ​വാ​റി​ന്​ പാ​ര​മ്പ​ര്യം നി​ല​നി​ർ​ത്ത​ലാ​ണ്​ മു​ഖ്യ​മെ​ങ്കി​ൽ അ​ജി​ത്തി​ന്​ രാ​ഷ്ട്രീ​യ നി​ല​നി​ൽ​പാ​ണ്.