​കോവിഡ്​ രോഗികൾ നഗ്​നരായി ടോയ്​ലറ്റിന്​ പുറത്തും വാഷ്​ ബേസിന്​ സമീപവും; ഒഡീഷ ആശുപത്രിയിലെ ദാരുണ ദൃശ്യങ്ങൾ പുറത്ത്​

ഭുവനേശ്വർ: ഒഡീഷയിലെ കോവിഡ്​ ആശുപത്രിയിലെ ദാരുണ ദൃശ്യങ്ങൾ പുറത്ത്​. ഗോത്ര മേഖലയായ മയൂർഗഞ്ച്​ ജില്ലയിലെ ആശുപത്രിയിലാണ്​ സംഭവം.

കോവിഡ്​ ബാധിതരായവർ ടോയ്​ലറ്റിന്​ സമീപവും വാഷ്​ ബേസിന്​ സമീപവും നിലത്ത്​ കിടക്കുന്നത്​ കാണാം. കൂടാതെ ഒരു രോഗി നഗ്​നനായി തറയിൽ കിടക്കുന്ന ദൃശ്യങ്ങളും പുറത്തുവന്നു.

മേയ്​ 23ന്​ ആശുപത്രിയിൽ കോവിഡ്​ ബാധിച്ച്​ മരിച്ച രോഗിയുടെ പരിചാരകനായിരുന്നയാൾ ചിത്രീകരിച്ച വിഡിയോയാണ്​ സമൂഹമാധ്യമങ്ങളിൽ ​പ്രചരിക്കുന്നത്​. ബിഭുദത്ത ദാഷാണ്​ വിഡിയോ സമൂഹമാധ്യമങ്ങളിൽ പങ്കുവെച്ചത്​. മേയ്​ 22ന്​ അദ്ദേഹത്തി​െൻറ ബന്ധുവിനെ ബാരിപാഡയിലെ കോവിഡ്​ ആശ​ുപത്രിയിൽ പ്രവേശിപ്പിച്ചിരുന്നു.

'അദ്ദേഹത്തി​െൻറ ആരോഗ്യനില മോശമായതോടെ അദ്ദേഹത്തെ ബൻങ്കിസോൾ ആശുപത്രിയിലേക്ക്​ മാറ്റി. മേയ്​ 23ന്​ ഉച്ചയോടെ അദ്ദേഹത്തി​െൻറ മരണവിവരം ആശുപത്രി അധികൃതർ ബന്ധുക്കളെ അറിയിക്കുകയായിരുന്നു. വിഡിയോയിൽ ത​െൻറ ബന്ധു കട്ടിലിൽ ഇരിക്കുന്നത്​ കാണാം. അതിൽ കിടക്കയോ തലയിണയോ ഉണ്ടായിരുന്നില്ല. അദ്ദേഹം ഒരു ടവ്വൽ മാത്രമാണ്​ ധരിച്ചിരുന്നത്​. ചിലർ ടോയ്​ലറ്റിന്​ മുമ്പിൽ നിലത്ത്​ കിടക്കുന്നത്​ കാണാം. അവിടെയിവിടെയായി ഒാക്​സിജൻ സിലിണ്ടറുകൾ ഇരിക്കുന്നതും കാണാം. പക്ഷേ അവിടെയാരും അവ കൈകാര്യം ചെയ്യാനില്ലായിരുന്നു. രോഗികളെ പരിചരിക്കാൻ ഡോക്​ടർമാരോ നഴ്​സുമാരോ ഉണ്ടായിരുന്നില്ല. സർക്കാർ കോവിഡ്​ രോഗികളുടെ ചികിത്സക്കായി വലിയ തുക ചെലവാക്കുന്നുണ്ട്​. എന്നാൽ ഇത്രയും തുക ആർക്ക​ുവേണ്ടിയാണോ എവിടേക്കാണോ പോകുന്നത്​?' -അദ്ദേഹം പറയുന്നു.

വിഡിയോ ദൃശ്യങ്ങൾ വൻതോതിൽ പ്രചരിച്ചതോടെ ബി.ജെ.പി എം.എൽ.എ പ്രകാശ്​ സോറൻ ആശുപത്രി അധികൃതർക്കെതിരെ രംഗത്തെത്തി. ആശുപത്രിയുടെ പ്രവർത്തനങ്ങൾ നിരീക്ഷിക്കാൻ സി.സി.ടി.വി ​സ്​ഥാപിക്കുമെന്ന്​ മയൂർബഞ്ച്​ ജില്ല കലക്​ടർ അറിയിച്ചു.

ബിഹാറിൽ കോവിഡി​െൻറ രണ്ടാംതരംഗത്തിൽ നിരവധിപേർക്ക്​ ജീവൻ നഷ്​ടമായിരുന്നു. ഏപ്രിൽ ഒന്നുമുതൽ 830ൽ അധികം പേരാണ്​ സംസ്​ഥാനത്ത്​ മരിച്ചത്​.