മുന്നാക്ക സംവരണം: ബിഹാറും യു.പിയും എൻ.ഡി.എ​ തൂത്തുവാരും- രാം വിലാസ്​ പസ്വാൻ

ന്യൂഡൽഹി: മുന്നാക്ക വിഭാഗത്തിൽ സാമ്പത്തികമായി പിന്നാക്കം നിൽക്കുന്നവർക്ക്​ 10 ശതമാനം സംവരണം നൽകാനുള്ള നീക്ക ം ലോക്​സഭാ തെരഞ്ഞെടുപ്പിൽ എൻ.ഡി.എക്ക്​ ഗുണകരമാകുമെന്ന്​ ലോക്​ ജനശക്തി പാർട്ടി അധ്യക്ഷൻ രാം വിലാസ്​ പസ്വാൻ. മ ുന്നാക്ക സംവരണം ഉത്തർപ്രദേശിലും ബിഹാറിലും വിജയം നേടാൻ എൻ.ഡി.എ മുന്നണിയെ സഹായിക്കും. സംവരണത്തെ എതിർത്ത ആർ.ജെ.ഡിക്ക്​ ബിഹാറിൽ അക്കൗണ്ട്​ തുറക്കാനാവില്ലെന്നും പസ്വാൻ അഭിപ്രായപ്പെട്ടു.

രഘുവംശ്​ പ്രസാദ്​ സിങ്​, ജഗ്​ദാനന്ദ്​ സിങ്​ തുടങ്ങിയ ആർ.ജെ.ഡി നേതാക്കൾ മുന്നാക്ക വിഭാഗത്തിൽ പെടുന്നവരാണ്​. സംവരണത്തെ എതിർത്ത ഇവർ എങ്ങനെയാണ്​ അവരുടെ സമുദായത്തിലെ ജനങ്ങൾക്കു മുന്നിൽ വോട്ടുചോദിച്ച്​ ചെല്ലുകയെന്നും പസ്വാൻ ആരാഞ്ഞു.

മൻമോഹൻ സിങ്ങി​​​​െൻറ ജാതി തനിക്കറിയില്ല. മൻമോഹൻ സിങ്​ ഒഴികെ കോൺഗ്രസ്​ പ്രധാനമന്ത്രിമാർ സവർണ സമുദായത്തിൽ നിന്നുള്ളവരാണെന്ന്​ കരുതുന്നു. അവർ എന്തുകൊണ്ട്​ ​ സവർണ​രിലെ പാവങ്ങൾക്ക്​ വേണ്ടി സംവരണം നടപ്പാക്കിയില്ലെന്നും പസ്വാൻ മാധ്യമങ്ങൾ നൽകിയ അഭിമുഖത്തിൽ ചോദിച്ചു.

മുന്നാക്ക വിഭാഗത്തിൽ സാമ്പത്തിക സംവരണമെന്ന നിയമഭേദഗതി നിലവിൽ വന്നിരിക്കുകയാണ്​. അതിനെ​ സുപ്രീംകോടതിയും എതിർക്കുമെന്ന്​ കരുതുന്നില്ല. എൻ.ഡി.എ വീണ്ടും ഭരണത്തിലെത്തിയാൽ സാമ്പത്തിക സംവരണം ഒമ്പതാം ഷെഡ്യൂളിൽ ഉൾപ്പെടുത്തുമെന്നും രാം വിലാസ്​ പസ്വാൻ കൂട്ടിച്ചേർത്തു.