Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightനേരത്തെ ലൈംഗിക...

നേരത്തെ ലൈംഗിക ബന്ധമുണ്ടായിരുന്നുവെന്നത്​ ബലാത്സംഗത്തിനുള്ള അനുമതിയല്ലെന്ന്​ കോടതി

text_fields
bookmark_border
നേരത്തെ ലൈംഗിക ബന്ധമുണ്ടായിരുന്നുവെന്നത്​ ബലാത്സംഗത്തിനുള്ള അനുമതിയല്ലെന്ന്​ കോടതി
cancel

ന്യൂഡല്‍ഹി: മുന്‍പ് ലൈംഗികബന്ധം പുലര്‍ത്തിയിരുന്നു എന്നത് ബലാത്സംഗത്തിനുള്ള അനുമതി അല്ലെന്ന് ഡല്‍ഹി കോടതി. ബലാത്സംഗക്കേസില്‍ മാധ്യമപ്രവര്‍ത്തകനായ വരുണ്‍ ഹൈർമതി​െന്‍റ (28) മുന്‍കൂര്‍ ജാമ്യാപേക്ഷ തള്ളിക്കൊണ്ടായിരുന്നു കോടതിയൂടെ പരാമർശം.

കഴിഞ്ഞ ഫെബ്രുവരി 20 ന്​ ഡൽഹിയിലെ പഞ്ചനക്ഷത്ര ഹോട്ടലിൽ വിളിച്ചുവരുത്തി ബലാത്സംഗം ചെയ്​തുവെന്നായിരുന്നു യുവതിയുടെ പരാതി. എന്നാൽ, യുവതിയു​മായി നേരത്തെ അടുപ്പമുണ്ടായിരുന്നുവെന്നും ലൈംഗികമായി ബന്ധപ്പെടാറുണ്ടായിരുന്നുവെന്നുമാണ്​ വരുൺ മുൻകൂർ ജാമ്യാപേക്ഷയിൽ കോടതിയിൽ ​അറിയിച്ചത്​. ഇരുവർക്കുമിടയിലെ സാമൂഹിക മാധ്യമ സംഭാഷണങ്ങളും പ്രതി കോടതിയിൽ ഹാജരാക്കിയിരുന്നു. 2017 മുതൽ യുവതിയുമായി അടുപ്പമുണ്ടായിരുന്നുവെന്നാണ്​ പ്രതി കോടതിയിൽ അറിയിച്ചത്​.

എന്നാൽ, മുന്‍പ് ലൈംഗികബന്ധം പുലര്‍ത്തി എന്നത് പിന്നീട് അനുമതിയില്ലാതെ ബന്ധപ്പെടുന്നതിനുള്ള അനുവാദമായി കണക്കാക്കാനാകില്ല എന്ന്​ മുംബൈ പാട്യാല ഹൗസ്​ കോടതി അഡീഷനൽ സെഷൻസ്​ ജഡ്​ജ്​ സജ്ഞയ്​ കണഗ്​വാൾ പറഞ്ഞു.

വരുൺ തന്നെ ഹോട്ടലിലേക്ക് വിളിച്ചെന്നും അവിടെ ബലാത്സംഗം ചെയ്​തുവെന്നുമാണ്​ യുവതിയുടെ പരാതി. തനിക്ക് ആ സമയം ലൈംഗികബന്ധത്തിന് താൽപര്യമില്ലായിരുന്നെന്നും യുവതി പറഞ്ഞു. ഒഴിഞ്ഞുമാറാന്‍ ശ്രമിച്ചെങ്കിലും സാധിച്ചില്ലെന്നും ജീവന്‍ അപായപ്പെടുമെന്ന് കരുതിയതിനാല്‍ മുറിയില്‍ നിന്ന് പുറത്തുപോകാന്‍ സാധിച്ചില്ലെന്നും യുവതി പരാതിയിൽ പറയുന്നു.

സമ്മതമില്ലാത്ത ലൈംഗിക ബന്ധം, ബലാത്സംഗത്തി​െന്‍റ പരിധിയിൽ ഉൾപ്പെടുന്നതിനാൽ കേസ്​ നിലനിൽക്കു​മെന്നും ജാമ്യാപേക്ഷ തള്ളിക്കൊണ്ട്​ ​കോടതി വ്യക്​തമാക്കി.

Show Full Article
TAGS:rape love crime 
News Summary - Past sexual experience not relevant to consent
Next Story