എയർ ഫ്രാൻസ് വിമാനത്തിൽനിന്ന് 26 യാത്രക്കാരെ പുറത്താക്കി

ന്യൂഡൽഹി: ചെക്ക് ഇൻ ചെയ്ത 26 യാത്രക്കാരെ സാങ്കേതിക പ്രശ്നം പറഞ്ഞ് എയർ ഫ്രാൻസ് വിമാനത്തിൽനിന്ന് പുറത്താക്കി. ന് യൂഡൽഹി വിമാനത്താവളത്തിൽ ബുധനാഴ്ച പുലർച്ചെയാണ് സംഭവം.

പാരീസിലേക്ക് പോകുന്ന എയർ ഫ്രാൻസ് എഫ്225 വിമാനത്തിലെ ഏതാനും യാത്രക്കാരോടാണ് ലഗേജുകളുമായി പുറത്തുപോകാൻ ആവശ്യപ്പെട്ടത്. ഇവരെ പാരീസിലേക്കുള്ള അടുത്ത വിമാനത്തിൽ കയറ്റി വിടുമോ എന്നുപോലും വ്യക്തമാക്കാതെയായിരുന്നു നടപടി.

വിമാനം നേരിട്ട സാങ്കേതിക പ്രശ്നം എന്താണെന്നും അധികൃതർ വ്യക്തമാക്കിയിട്ടില്ല.