പാർലമെന്‍റ്​ സമ്മേളനത്തിൽ 14 പുതിയ ബില്ലുകൾ

ന്യൂഡൽഹി: ഗുജറാത്ത്​, ഹിമാചൽപ്രദേശ്​ നിയമസഭ തെരഞ്ഞെടുപ്പുകൾ ഉയർത്തുന്ന കോലാഹലങ്ങളുടെ അകമ്പടിയോടെ ഭരണ, പ്രതിപക്ഷ പാർട്ടികൾ വെള്ളിയാഴ്​ച മുതൽ പാർലമ​െൻറിലേക്ക്​. ജന​ുവരി അഞ്ചുവരെ നീളുന്ന പാർല​െമൻറ്​ സമ്മേളനത്തിൽ സർക്കാറിനെതിരെ യോജിച്ച നീക്കത്തിനുള്ള തയാറെടുപ്പിലാണ്​ പ്രതിപക്ഷപാർട്ടികൾ. മാന്ദ്യം, ജി.എസ്​.ടി തുടങ്ങി നിരവധി വിഷയങ്ങൾ സർക്കാറിനെതിരെ പ്രതിപക്ഷത്തി​​െൻറ കൈയിലുണ്ട്​. നിയമസഭ തെരഞ്ഞെടുപ്പ്​ ഫലങ്ങൾ തിങ്കളാഴ്​ച പുറത്തുവരുന്നത്​ പാർലമ​െൻറ്​ സ​േമ്മളനത്തി​​െൻറ ചർച്ചാഗതിയെ സ്വാധീനിക്കും.

14 പുതിയ ബില്ലുകൾ ഇൗ സമ്മേളനത്തിൽ അവതരിപ്പിക്കും​. 25 ബില്ലുകൾ പാസാക്കാൻ ബാക്കിയുണ്ട്​. മുസ്​ലിം വനിത വിവാഹ സംരക്ഷണാവകാശ ബിൽ, നിക്ഷേപപദ്ധതി നിയന്ത്രണ നിരോധന ബിൽ, ഉപഭോക്​തൃസംരക്ഷണ ബിൽ എന്നിവ പുതിയ ബില്ലുകളിൽ ഉൾപ്പെടുന്നു. ഏറെ വിവാദമുയർത്തിയ എഫ്​.ആർ.ഡി.​െഎ ബില്ലും അവതരിപ്പിച്ചേക്കും. സംസ്​ഥാനങ്ങൾക്ക്​ നഷ്​ടപരിഹാരം നൽകുന്നതിനുള്ള ജി.എസ്​.ടി ബിൽ, ഇന്ത്യൻ വന ബിൽ, പാപ്പരത്ത ബിൽ എന്നിവ ഒാർഡിനൻസുകൾക്ക്​ പകരമായി അവതരിപ്പിക്കും. മോ​േട്ടാർ വാഹന ബില്ലും മറ്റുമാണ്​ പാസാക്കാൻ കഴിയാതെ ഇൗ സമ്മേളനത്തിലേക്ക്​ വീണ്ടും എത്തുന്നത്​.

സമാധാനപരമായ സഭാനടത്തിപ്പിന്​ സർക്കാറും ലോക്​സഭ സ്​പീക്കറും വെവ്വേറെ വിളിച്ച കക്ഷിനേതാക്കളുടെ യോഗം വ്യാഴാഴ്​ച നടക്കും. 14 ദിവസ​ം നീളുന്ന ശീതകാല സമ്മേളനത്തിൽ ​​​ക്രിസ്​മസിനും പിറ്റേന്നും അവധിയാണ്​. പുതുവത്സരം പ്രവൃത്തിദിനമാണ്​. നവംബർ മൂന്നാംവാരം തുടങ്ങി ഡിസംബർ പകുതിക്കുമുമ്പ്​്​ ശീതകാല സമ്മേളനം അവസാനിപ്പിക്കുന്ന പതിവ്​ സർക്കാർ ഇക്കുറി മാറ്റിയത്​ ഗുജറാത്ത്​ തെരഞ്ഞെടുപ്പ്​ മൂലമാണ്​. തെരഞ്ഞെടുപ്പിനൊപ്പം കോൺഗ്രസിലെ തലമുറമാറ്റവും സമ്മേളനകാലത്ത്​ പ്രതിഫലിക്കും. ശനിയാഴ്​ചയാണ്​ പാർട്ടി അധ്യക്ഷനായി രാഹുൽ സ്​ഥാനമേൽക്കുന്നത്​. 

2017ൽ സമ്മേളിച്ചത്​ 57 ദിവസം മാത്രം
ന്യൂ​ഡ​ൽ​ഹി: സ​മീ​പ​കാ​ല​ച​രി​ത്ര​ത്തി​ൽ പാ​ർ​ല​മ​െൻറ്​ ഏ​റ്റ​വും കു​റ​ച്ചു​ദി​വ​സ​ങ്ങ​ളി​ൽ മാ​​ത്രം സ​മ്മേ​ളി​ച്ച​ത്​ ഇ​ക്കൊ​ല്ലം. ഡി​സം​ബ​റി​ൽ ന​ട​ക്കാ​നി​രി​ക്കു​ന്ന ഒ​മ്പ​തു​ദി​വ​സ​ത്തെ സ​മ്മേ​ള​നം കൂ​ടി ക​ണ​ക്കി​ലെ​ടു​ത്താ​ൽ 2017ൽ ​പാ​ർ​ല​െ​മ​ൻ​റ്​ സ​മ്മേ​ളി​ക്കു​ന്ന​ത്​ 57 ദി​വ​സ​ങ്ങ​ളി​ൽ മാ​ത്രം. ക​ഴി​ഞ്ഞ​വ​ർ​ഷം സ​മ്മേ​ള​ന​ദി​വ​സ​ങ്ങ​ൾ 70 ആ​യി​രു​ന്നു. 2015ൽ ​ആ​കെ 72 ദി​വ​സ​ങ്ങ​ൾ സ​മ്മേ​ളി​ച്ച​താ​ണ്. ഭ​ര​ണ​ഘ​ട​ന​സ്​​ഥാ​പ​ന​ങ്ങ​ളോ​ടു​ള്ള മോ​ദി​സ​ർ​ക്കാ​റി​​െൻറ മ​നോ​ഭാ​വ​മാ​ണ്​ ഇ​ത്​ വ്യ​ക്​​ത​മാ​ക്കു​ന്ന​തെ​ന്ന്​ പ്ര​തി​പ​ക്ഷ​പാ​ർ​ട്ടി​ക​ൾ കു​റ്റ​പ്പെ​ടു​ത്തു​ന്നു.