ഉ​ന്തും​ത​ള്ളും ആസൂത്രണം ചെയ്ത് നടപ്പാക്കിയ പദ്ധതി -പ്രതിപക്ഷം

ന്യൂ​ഡ​ൽ​ഹി​: വ്യാ​ഴാ​ഴ്ച പാ​ർ​ല​മെ​ന്റി​ന്റെ മു​ഖ്യ​ക​വാ​ട​ത്തി​ൽ ഇ​ൻ​ഡ്യ എം.​പി​മാ​രു​മാ​യു​ണ്ടാ​യ ഉ​ന്തും​ത​ള്ളും ര​ണ്ട് ബി.​ജെ.​പി എം.​പി​മാ​ർ വീ​ണ​തും രാ​ഹു​ൽ ഗാ​ന്ധി​ക്കെ​തി​രാ​യ കേ​സു​മെ​ല്ലാം ആ​സൂ​ത്ര​ണം ​ചെ​യ്ത് ന​ട​പ്പാ​ക്കി​യ പ​ദ്ധ​തി​യാ​ണെ​ന്ന് പ്ര​തി​പ​ക്ഷം. അ​മി​ത് ഷാ​യു​ടെ സ​മ്മ​ർ​ദ​ത്തി​ന് വ​ഴ​ങ്ങി​യാ​ണി​ത്. ര​ണ്ട് എം.​പി​മാ​രെ അ​നാ​വ​ശ്യ​മാ​യി തീ​വ്ര പ​രി​ച​ര​ണ വി​ഭാ​ഗ​ത്തി​ൽ കി​ട​ത്തി​യി​രി​ക്കു​ന്ന​ത് അ​തു​കൊ​ണ്ടാ​ണെ​ന്നും എ.​ഐ.​സി.​സി ജ​ന​റ​ൽ സെ​ക്ര​ട്ട​റി ജ​യ​റാം ര​മേ​ശ് പ​റ​ഞ്ഞു. വ​നി​ത എം.​പി രാ​ഹു​ൽ ഗാ​ന്ധി​ക്കെ​തി​രെ പ​രാ​തി ന​ൽ​കി​യ​തും അ​മി​ത് ഷാ​യു​ടെ സ​മ്മ​ർ​ദ​ത്താ​ലാ​ണെ​ന്ന് ജ​യ​റാം ര​മേ​ശ് കൂ​ട്ടി​ച്ചേ​ർ​ത്തു.

എം.​പി​മാ​രെ തീ​വ്ര പ​രി​ച​ര​ണ വി​ഭാ​ഗ​ത്തി​ൽ കി​ട​ത്തി ബി.​ജെ.​പി നാ​ട​കം ക​ളി​ക്കു​ക​യാ​ണെ​ന്ന് സ​മാ​ജ്‍വാ​ദി പാ​ർ​ട്ടി നേ​താ​വ് ജ​യ ബ​ച്ച​ൻ പ​റ​ഞ്ഞു. അ​ല്ലെ​ങ്കി​ൽ എ​ങ്ങ​നെ​യാ​ണ് ഐ.​സി.​യു​വി​ലു​ള്ള രോ​ഗി​യു​മാ​യി മോ​ദി ഫോ​ണി​ൽ സം​സാ​രി​ച്ച​തെ​ന്ന് അ​വ​ർ ചോ​ദി​ച്ചു. ഭ​ര​ണം കൈ​യി​ലു​ള്ള​പ്പോ​ൾ ബി.​ജെ.​പി എ​ന്തും ചെ​യ്യു​മെ​ന്ന​തി​ന്റെ തെ​ളി​വാ​ണി​തെ​ന്നും അ​വ​ർ പ​റ​ഞ്ഞു.

സിഖ് കലാപത്തെ ഓർമിപ്പിക്കുന്ന ബാഗ് പ്രിയങ്കക്ക് സമ്മാനിച്ച് ബി.ജെ.പി

ന്യൂ​ഡ​ൽ​ഹി: സി​ഖ് ക​ലാ​പ​ത്തെ ഓ​ർ​മി​പ്പി​ച്ച് കോ​ൺ​ഗ്ര​സ് എം.​പി പ്രി​യ​ങ്ക ഗാ​ന്ധി​ക്ക് ചു​വ​ന്ന നി​റ​ത്തി​ൽ ‘1984’ എ​ന്ന് എ​ഴു​തി​യ ബാ​ഗ് സ​മ്മാ​നി​ച്ച് ഒ​ഡി​ഷ​യി​ൽ​നി​ന്നു​ള്ള ബി.​ജെ.​പി എം.​പി അ​പ​രാ​ജി​ത സാ​രം​ഗി. വെ​ള്ളി​യാ​ഴ്ച പാ​ർ​ല​മെ​ന്റ് മ​ന്ദി​ര​ത്തി​ൽ വെ​ച്ച് ബി.​ജെ.​പി എം.​പി ന​ൽ​കി​യ ബാ​ഗ് പ്രി​യ​ങ്ക സ്വീ​ക​രി​ച്ചു. വ​ർ​ഷ​ങ്ങ​ൾ​ക്കു മു​മ്പ് കോ​ൺ​ഗ്ര​സ് എ​ന്തെ​ല്ലാ​മാ​ണ് ചെ​യ്തി​ട്ടു​ള്ള​തെ​ന്ന് പു​തു​ത​ല​മു​റ ഓ​ർ​ക്ക​ണം. പ്രി​യ​ങ്ക​ക്ക് ബാ​ഗു​ക​ൾ വ​ള​രെ ഇ​ഷ്ട​മാ​ണ്. അ​തു​കൊ​ണ്ട് ഞാ​നും ഒ​രു ബാ​ഗ് ന​ൽ​കി​യെ​ന്ന് സാ​രം​ഗി പ​റ​ഞ്ഞു. ഫ​ല​സ്തീ​ൻ ജ​ന​ത​ക്ക് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ചും ബം​ഗ്ലാ​ദേ​ശി​ൽ ന്യൂ​ന​പ​ക്ഷ ആ​ക്ര​മ​ണ​ങ്ങ​ളോ​ടു​ള്ള പ്ര​തി​ഷേ​ധം രേ​ഖ​പ്പെ​ടു​ത്തി​യു​മു​ള്ള ബാ​ഗു​ക​ളു​മാ​യി പ്രി​യ​ങ്ക പാ​ർ​ല​മെ​ന്റി​ൽ എ​ത്തി​യി​രു​ന്നു. ‌

രാജ്യസഭ ചേർന്നത് കേവലം 43 മണിക്കൂർ

ന്യൂ​ഡ​ൽ​ഹി: ശൈ​ത്യ​കാ​ല സ​മ്മേ​ള​ന​ത്തി​ൽ ആ​കെ 43 മ​ണി​ക്കൂ​റും 27 മി​നി​റ്റും സ​മ്മേ​ളി​ച്ച രാ​ജ്യ​സ​ഭ​യു​ടെ ഉ​ൽ​പാ​ദ​ന ക്ഷ​മ​ത കേ​വ​ലം 40.03 ശ​ത​മാ​നം മാ​ത്ര​മാ​ണെ​ന്ന് ഉ​പ​സം​ഹാ​ര പ്ര​സം​ഗ​ത്തി​ൽ രാ​ജ്യ​സ​ഭ ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ. എ​ന്നാ​ൽ, പ്ര​തി​പ​ക്ഷ നേ​താ​ക്ക​ളെ സം​സാ​രി​ക്കാ​ൻ അ​നു​വ​ദി​ക്കാ​തി​രു​ന്ന രാ​ജ്യ​സ​ഭ​യി​ൽ 30 ശ​ത​മാ​നം സ​മ​യം സം​സാ​രി​ച്ച​തും ചെ​യ​​ർ​മാ​ൻ ജ​ഗ്ദീ​പ് ധ​ൻ​ഖ​ർ ആ​യി​രു​ന്നു​വെ​ന്ന് തൃ​ണ​മൂ​ൽ കോ​ൺ​ഗ്ര​സ് നേ​താ​വ് ഡെ​റി​ക് ഒ​ബ്റേ​ൻ വി​മ​ർ​ശി​ച്ചു. ഡി​സം​ബ​ർ 18വ​രെ രാ​ജ്യ​സ​ഭ ആ​കെ സ​മ്മേ​ളി​ച്ച​ത് 43 മ​ണി​ക്കൂ​ർ ആ​യി​രു​ന്നു​വെ​ന്നും അ​തി​ൽ നാ​ല​ര മ​ണി​ക്കൂ​ർ സ​മ​യ​വും ധ​ൻ​ഖ​ർ സം​സാ​രി​ക്കാ​ൻ എ​ടു​ത്തു​വെ​ന്നും ഡെ​റി​ക് പ്ര​സ്താ​വ​ന​യി​ൽ കു​റ്റ​പ്പെ​ടു​ത്തി.