പാർലമെന്റിൽ എല്ലാ ശബ്ദവും വേണം -സുപ്രീംകോടതി

ന്യൂ​ഡ​ൽ​ഹി: എ​ല്ലാ​ത​രം ആ​ളു​ക​ളു​ടെ​യും ശ​ബ്ദം കേ​ൾ​ക്കേ​ണ്ട ഇ​ട​മാ​യ പാ​ർ​ല​മെ​ന്റി​ൽ​നി​ന്ന് ചി​ല ശ​ബ്ദ​ങ്ങ​ളെ പു​റ​ത്താ​ക്കു​ന്ന​തി​ൽ സു​പ്രീം​കോ​ട​തി ആ​ശ​ങ്ക പ്ര​ക​ടി​പ്പി​ച്ചു. അ​നി​ശ്ചി​ത​കാ​ല​ത്തേ​ക്കു​ള്ള രാ​ഘ​വ് ഛദ്ദ​യു​ടെ രാ​ജ്യ​സ​ഭ സ​സ്​​പെ​ൻ​ഷ​ൻ ജ​ന​പ്രാ​തി​നി​ധ്യ​വു​മാ​യി ബ​ന്ധ​പ്പെ​ട്ട വി​ഷ​യ​മാ​ണെ​ന്ന് ചൂ​ണ്ടി​ക്കാ​ട്ടി​യാ​ണ് ചീ​ഫ് ജ​സ്റ്റി​സ് ഡി.​വൈ ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് ആ​ശ​ങ്ക പ്ര​ക​ടി​പ്പി​ച്ച​ത്. സ​ഭാ ന​ട​പ​ടി ത​ട​സ്സ​പ്പെ​ടു​ത്തി​യാ​ൽ ആ ​സ​മ്മേ​ള​നം ക​ഴി​യും വ​രെ മാ​ത്ര​മാ​ണ് സ​സ്​​പെ​ൻ​ഷ​ൻ എ​ന്ന് ഓ​ർ​മി​പ്പി​ച്ച സു​പ്രീം​കോ​ട​തി എം.​പി​മാ​രു​ടെ സ​മ്മ​ത​മി​ല്ലാ​തെ പ്ര​മേ​യ​ത്തി​ൽ അ​വ​രു​ടെ പേ​ര് ചേ​ർ​ത്ത രാ​ഘ​വ് ഛദ്ദ​യു​ടെ പ്ര​വൃ​ത്തി അ​തി​നേ​ക്കാ​ൾ മോ​ശ​മാ​ണോ എ​ന്ന് ചീ​ഫ് ജ​സ്റ്റി​സ് ചോ​ദി​ച്ചു. അം​ഗ​ങ്ങ​ളോ​ട് സ​മ്മ​തം ചോ​ദി​ച്ചി​ല്ലെ​ന്ന​തു​മാ​ത്ര​മാ​ണ് ​ഛദ്ദ ​ചെ​യ്ത തെ​റ്റ്. അ​തി​ന് ന​ൽ​കി​യ ശി​ക്ഷ ചെ​യ്ത തെ​റ്റി​ന് ആ​നു​പാ​തി​ക​മാ​ണോ എ​ന്ന് നോ​ക്ക​ണം.

രാ​ജ്യ​സ​ഭ​യു​ടെ 256, 257 എ​ന്നീ ച​ട്ട​ങ്ങ​ൾ ചെ​യ​ർ​മാ​ന് ഒ​രു അം​ഗ​ത്തെ അ​നി​ശ്ചി​ത​കാ​ല​ത്തേ​ക്ക് സ​സ്​​പെ​ൻ​ഡ് ചെ​യ്യാ​നു​ള്ള അ​ധി​കാ​രം ന​ൽ​കു​ന്നി​ല്ല എ​ന്ന് ചീ​ഫ് ജ​സ്റ്റി​സ് പ​റ​ഞ്ഞു. രാ​ഘ​വ് ഛദ്ദ ​മാ​പ്പു പ​റ​ഞ്ഞാ​ൽ രാ​ജ്യ​സ​ഭാ ചെ​യ​ർ​മാ​ൻ സ​സ്​​പെ​ൻ​ഷ​ൻ പി​ൻ​വ​ലി​ക്കു​​മോ എ​ന്ന ചോ​ദ്യ​ത്തി​ന് സ​ഭ ഐ​ക​ക​ണ്ഠ്യേ​ന പാ​സാ​ക്കി​യ പ്ര​മേ​യ​ത്തി​ൽ ചെ​യ​ർ​മാ​നാ​യി​ട്ട് ഒ​ന്നും ചെ​യ്യാ​നി​ല്ലെ​ന്നാ​യി​രു​ന്നു അ​റ്റോ​ണി ജ​ന​റ​ലി​​ന്റെ മ​റു​പ​ടി. വ​ർ​ഷ​കാ​ല സ​മ്മേ​ള​ന​ത്തി​നി​ടെ ആ​ഗ​സ്റ്റ് 11ന് ​സ​സ്​​പെ​ൻ​ഡ് ചെ​യ്യ​പ്പെ​ട്ട രാ​ഘ​വ് ഛദ്ദ​യു​ടെ കാ​ര്യ​ത്തി​ൽ 75 ദി​വ​സ​മാ​യി​ട്ടും ന​ട​പ​ടി​യി​ല്ല. ത​ന്റെ മ​ണ്ഡ​ല​ത്തെ പ്ര​തി​നി​ധാ​നം​ചെ​യ്യാ​നു​ള്ള എം.​പി​യു​ടെ അ​വ​കാ​ശ​മാ​ണ് സ​സ്​​പെ​ൻ​ഷ​നി​ലൂ​ടെ ഹ​നി​ക്ക​പ്പെ​ടു​ന്ന​ത്. അ​നി​ശ്ചി​ത കാ​ല​ത്തേ​ക്കു​ള്ള സ​സ്​​പെ​ൻ​ഷ​ൻ മാ​ത്ര​മാ​ണ് ത​ങ്ങ​ൾ​ക്ക് മു​മ്പി​ലു​ള്ള ചോ​ദ്യ​മെ​ന്ന് കോ​ട​തി ഒ​രി​ക്ക​ൽ​കൂ​ടി അ​റ്റോ​ണി ജ​ന​റ​ലി​നോ​ട് പ​റ​ഞ്ഞു.