ഇ.പി.ഡബ്ല്യു പത്രാധിപർ പരൻജോയ്​ ഗുഹ താ​കു​ർ​ത്ത രാജിവെച്ചു

മും​ബൈ: ഇ​ക്ക​ണോ​മി​ക്​ ആ​ൻ​ഡ്​ പൊ​ളി​റ്റി​ക്ക​ൽ വീ​ക്ക്​​ലി (ഇ.​പി.​ഡ​ബ്ല്യു) പ​ത്രാ​ധി​പ​പ​ദ​വി​യി​ൽ​നി​ന്ന്​ പ്ര​മു​ഖ പ​ത്ര​പ്ര​വ​ർ​ത്ത​ക​ൻ പരൻജോയ്​ ഗുഹ താ​കു​ർ​ത്ത രാ​ജി​വെ​ച്ചു. അ​ദാ​നി ​ഗ്രൂ​പ്പി​ന്​ 500 കോ​ടി നി​കു​തി​പ്പ​ണം തി​രി​ച്ചു​ന​ൽ​കാ​ൻ കേ​ന്ദ്ര സ​ർ​ക്കാ​ർ നി​യ​മം വ​ള​ച്ചൊ​ടി​ച്ചെ​ന്ന്​ ആ​രോ​പി​ക്കു​ന്ന അ​ന്വേ​ഷ​ണാ​ത്​​മ​ക റി​പ്പോ​ർ​ട്ടി​നെ ചൊ​ല്ലി പ്ര​സാ​ധ​ക​രാ​യ സ​മീ​ക്ഷ ട്ര​സ്​​റ്റു​മാ​യു​ണ്ടാ​യ അ​ഭി​പ്രാ​യ​ഭി​ന്ന​ത​യാ​ണ്​ കാ​ര​ണ​മെ​ന്നാ​ണ്​ വി​വ​രം.

‘അ​ദാ​നി ഗ്രൂ​പ്​​ ക​മ്പ​നി​ക്ക്​ മോ​ദി സ​ർ​ക്കാ​ർ വ​ക 500 കോ​ടി രൂ​പ’ എ​ന്ന ത​ല​ക്കെ​ട്ടി​ൽ ജൂ​ൺ 19നാ​ണ്​ താ​കു​ർ​ത്ത​യും ഇ.​പി.​ഡ​ബ്ല്യു എ​ഡി​റ്റോ​റി​യ​ൽ അ​സി​സ്​​റ്റ​ൻ​റ്​ അ​ബി​ർ​ദാ​സ്​ ഗു​പ്​​ത​യും മ​റ്റു​ ര​ണ്ട് ​സ്വ​ത​ന്ത്ര പ​ത്ര​പ്ര​വ​ർ​ത്ത​ക​രും ചേ​ർ​ന്ന്​ ത​യാ​റാ​ക്കി​യ റി​പ്പോ​ർ​ട്ട്​ പ്ര​സി​ദ്ധീ​ക​രി​ച്ച​ത്. പ്ര​ത്യേ​ക സാ​മ്പ​ത്തി​ക മേ​ഖ​ല (സെ​സ്​)​യു​മാ​യി ബ​ന്ധ​പ്പെ​ട്ട നി​യ​മ​ങ്ങ​ൾ അ​ദാ​നി ഗ്രൂ​പ്പി​നു​വേ​ണ്ടി കേ​ന്ദ്ര സ​ർ​ക്കാ​ർ വ​ള​ച്ചൊ​ടി​ച്ചെ​ന്നും അ​തു​വ​ഴി ക​മ്പ​നി അ​ട​ച്ച 500 കോ​ടി​യു​ടെ നി​കു​തി തി​രി​ച്ചു​ല​ഭി​ച്ചെ​ന്നു​മാ​ണ്​ റി​പ്പോ​ർ​ട്ടി‍​​െൻറ കാ​ത​ൽ.

സ​മീ​ക്ഷ ട്ര​സ്​​റ്റി​നും ലേ​ഖ​ന​മെ​ഴു​തി​യ താ​കു​ർ​ത്ത അ​ട​ക്കം നാ​ലു​ പേ​ർ​ക്കു​മെ​തി​രെ അ​ദാ​നി ഗ്രൂ​പ്​​ മാ​ന​ന​ഷ്​​ട​ത്തി​ന്​ നോ​ട്ടീ​സ്​ ന​ൽ​കി​യി​രു​ന്നു. ആ​രോ​പ​ണ​ങ്ങ​ളി​ൽ ക​ഴ​മ്പു​ണ്ടെ​ന്നും തെ​ളി​വാ​യി രേ​ഖ​ക​ളു​െ​ണ്ട​ന്നും കാ​ണി​ച്ച്​ സ​മീ​ക്ഷ ട്ര​സ്​​റ്റ്​ മ​റു​പ​ടി ന​ൽ​കി​യെ​ങ്കി​ലും വി​വാ​ദ േല​ഖ​നം ഇ.​പി.​ഡ​ബ്ല്യു വെ​ബ്​​സൈ​റ്റി​ൽ​നി​ന്ന്​ നീ​ക്കം​ചെ​യ്​​തു. രാ​ജി​യു​ടെ കാ​ര​ണം പ​ങ്കു​വെ​ക്കാ​ൻ ആ​ഗ്ര​ഹി​ക്കു​ന്നി​ല്ലെ​ന്ന്​ പ​റ​ഞ്ഞ താ​കു​ർ​ത്ത, ഇ.​പി.​ഡ​ബ്ല്യു​വി​ൽ പ​ത്രാ​ധി​പ​രാ​യ 15 മാ​സം അ​നു​ഭ​വ​സ​മ്പ​ന്ന​മാ​യ കാ​ല​മാ​യി​രു​ന്നു​വെ​ന്നാ​ണ്​ പ​റ​ഞ്ഞ​ത്. സി. ​രാം​മ​നോ​ഹ​ർ റെ​ഡ്​​ഡി​യു​ടെ പി​ൻ​ഗാ​മി​യാ​യാ​ണ്​ 2016ൽ ​താ​കു​ർ​ത്ത ഇ.​പി.​ഡ​ബ്ല്യു പ​ത്രാ​ധി​പ​രാ​യ​ത്. റെ​ഡ്​​ഡി​യു​ടെ രാ​ജി​യും ട്ര​സ്​​റ്റു​മാ​യു​ള്ള അ​ഭി​പ്രാ​യ​ഭി​ന്ന​ത കാ​ര​ണ​മാ​യി​രു​ന്നു.