അമരീന്ദറിന് പാകിസ്താനിലെ പഞ്ചാബ് സർക്കാറിന്‍റെ ട്വീറ്റ്

ന്യൂഡൽഹി: രാജ്യതലസ്ഥാനം കനത്ത പുകമഞ്ഞിൽ മൂടി ജനജീവിതം ദുസ്സഹമാകുന്നതിനിടെ പഞ്ചാബ് മുഖ്യമന്ത്രി അമരീന്ദർ സിങ്ങിനെ പരാമർശിച്ച് പാക് സർക്കാറിന്‍റെ ട്വീറ്റ്. കർഷകർ വൈക്കോൽ കത്തിക്കുന്നതിന് തങ്ങൾ നിരോധനമേർപ്പെടുത്തിയെന്നും താങ്കളും സംസ്ഥാനത്തിൽ അത്തരം നടപടികൾ സ്വീകരിക്കുമെന്ന് കരുതുന്നുവെന്നും പാകിസ്താനിലെ പഞ്ചാബ് സർക്കാർ ട്വീറ്റ് ചെയ്തു. 

ഈ ആഴ്ചയിൽ മോശപ്പെട്ട അന്തരീക്ഷ വായുവാണ് വടക്കേ ഇന്ത്യയിൽ കാണപ്പെടുന്നത്. ഡൽഹിയിൽ കനത്ത പുകമഞ്ഞ് ജനജീവിതത്തെ ബാധിക്കുകയും സർക്കാർ സ്കൂളുകൾക്ക് അവധി പ്രഖ്യാപിക്കുകയും ചെയ്തിരുന്നു. പുകമഞ്ഞിനെ തുടർന്ന് നിരവധി വാഹനാപകടങ്ങളാണ് വടക്കേ ഇന്ത്യയിൽ റിപ്പോർട്ട് ചെയ്യുന്നത്.