Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightമോദിയുടെ പക്കവട...

മോദിയുടെ പക്കവട പരാമർശത്തിന്​ മുളകുബജി തിന്ന്​ രാഹുലി​െൻറ മറുപടി

text_fields
bookmark_border
മോദിയുടെ പക്കവട പരാമർശത്തിന്​ മുളകുബജി തിന്ന്​ രാഹുലി​െൻറ മറുപടി
cancel

ബംഗളൂരു: പ്രധാനമന്ത്രി നരേന്ദ്ര മോദിയുടെ വിവാദമായ ‘പക്കവട’ പരാമർശത്തിന്​ മറുപടിയുമായി കോൺഗ്രസ്​ അധ്യക്ഷൻ രാഹുൽ ഗാന്ധി.  തെരുവോരത്തെ ചായക്കടയിലിരുന്ന്​ മുളകുബജി കഴിച്ചാണ്​ രാഹുൽ മറുപടി നൽകിയത്.നിയമസഭ തെരഞ്ഞെടുപ്പിന്​ മുന്നോടിയായി കർണാടക കോൺഗ്രസ്​ സംഘടിപ്പിക്കുന്ന ജനാശീർവാദ യാത്രയുടെ രണ്ടാം ദിവസം റായ്​ച്ചൂരിലായിരുന്നു സംഭവം. റോഡ്​ ഷോ നീങ്ങുന്നതിനിടെ സമീപത്ത്​ ഒരു വീട്ടമ്മ നടത്തുന്ന ചായക്കടയിലേക്ക്​ രാഹുലും നേതാക്കളുമെത്തുകയായിരുന്നു. കടയിൽനിന്ന്​ പക്കവടക്ക്​ പകരം എല്ലാവർക്കും ലഭിച്ചത്​ മുളകുബജിയായിരുന്നു.  

മോദിയുടെ പുതിയ ഇന്ത്യയിൽ ​െഎ.പി.എസെല്ലാം 'ഇന്ത്യൻ പക്കവട സർവിസ്'​ ആയി മാറിയെന്ന് തൊട്ടടുത്തിരുന്ന കെ.പി.സി.സി പ്രസിഡൻറ്​ ജി. പരമേശ്വരയോട്​ രാഹുൽ തമാശ പറയുകയും ചെയ്തു. ചായക്കാശായി ത​​​​​െൻറ  പോക്കറ്റിൽനിന്ന്​ 2000 രൂപയുടെ നോട്ടും രാഹുൽ കടക്കാരിക്ക്​ നൽകി. 

മൂന്നു ദിവസമായി ഉത്തര കർണാടക മേഖലയിൽ പര്യടനം നടത്തുന്ന രാഹുൽ ഗാന്ധി ചൊവ്വാഴ്​ച വൈകുന്നേരം ഡൽഹിക്ക്​ മടങ്ങും. കലബുറഗി, ബിദർ ജില്ലകളിലാണ്​ അവസാന ദിവസത്തെ പര്യടനം. തിങ്കളാഴ്​ച രാത്രി കലബുറഗിയിലെ ക്വാജ ബന്തെ നവാസ്​ ദർഗയ സന്ദർശിച്ച രാഹുൽ ചൊവ്വാഴ്​ച വീരശൈവരുടെ ആത്​മീയ കേന്ദ്രമായ ബിദറിലെ ബസവ കല്യാൺ അനുഭവ മണ്ഡപയും സന്ദർശിക്കും. 

Show Full Article
TAGS:Pakoda rahul gandhi Karnataka Poll Campaign india news malayalam news 
News Summary - Pakoda Party, Mosque Visit and Azan Break: A Day in Rahul Gandhi’s Karnataka Poll Campaign-India News
Next Story